Sepah: Amerkə bəpe ıştə cinoyəton siyohə siyahi barədə cəvob bıdə

İroni Sepah təşkiloti umumi rabitəon bəyonış karde: Amerkə rəsmişəxson tikəy bə dınyo muxtəlif məntəğəonədə co vəyəon həmlə kardey barədə izoh bıdən ki ayo qırd jığonə cinoyəton qıləy səhv iyən adi həmle be.

İroni Sepah təşkiloti umumi rabitəon bəyonış karde: Amerkə rəsmişəxson ki uzr tələb kardey əvəzi ijən duəvujəti vıjniyəşone və bənə Minob, Lamerd iyən Ğeşmədə kardə cinoyətonku peşmon nin tikəy bə dınyo muxtəlif məntəğəonədə co vəyəon həmlə kardey barədə izoh bıdən ki ayo qırd jığonə cinoyəton qıləy səhv iyən adi həmle be.İroni Sepah təşkilot ıştə bəyoniyədə təkidış karde: ha çı dınyo ozodə milləton iyən İroni ğəhrəmonə millət! Amerkə teroristi ləşkəri SENTCOM ğevvon qıləy yodo nibəşe cinoyəti çərçivədə sərost bə Sirik şəhri Kuhestək məntəğədə bıə mıhtərəmə əholi vəyə mərosimi huçumış barde ki 70 nəfər şəhid ya zəxmin bey bəpeşt çəvon şoə mərosim bə əzo əvəz be.Sepah əlovəş karde: həminə cinoyəti reaksiya ki milləton, mediyaon və dınyo ruşinfikon iyən mıxtəlif şəxsiyəton tərəfo nışo doə bıə ijən Amerkə hırdənəkışt və cinoyətkorə rəsmişəxson tarsi bois və əvon ıştəni beabru vindey xoto binoşon karde bə pesoxtə qəpon bəyon kardey, vəhol ınki Amerkə kornomə pure de həminə cinoyəton iyən siyohə ləkəon ki hiçfaxt çəvon dimiku pok əbıni.İroni Sepah təşkiloti umumi rabitəon ın bəyoniyədə de bə İroni zumand iyən çəy faxtədə bıə reaksiyaon işorə kardey təkid bıə: Amerkə bəpe çimisə əlovə bıtarso həmonə rujiku ki aləmədə məzlumun intiğomi səe faxt rəsedə.