İslomi İnğılobi Yolə Rəhbəri bə İroni xalği təşəkkurəti

İslomi İnğılobi Yolə Rəhbər bə İroni xalği de 22 Bəhməni ruji anqıl vində dıjdə koon xoto təşəkkurış kardə

İslomi İnğılobi Yolə Rəhbər 22 Bəhməni ruji çandə milyon insoni dıjdə cəmbemonış çe səbarzəti mənbə, İslomi Respublika ğudrət və ləyoğəti ziyod kardə və çe İroni  milləti təslim nıbey və bo dışmeniro məyusətiş zıne.Ə həzrət,bə çın dıjdə hərəkoti qırd iştirokçiyon təşəkkurış kardə və həmmə kəsonış bo erjinə milli ibemoni xandi kardero vanqış je.

İslomi İnğılobi Yolə Rəhbər Həzrət Ayətullah Xameneyi bə İroni xalği de televiziya bıə mırociyətədə votəşe:“Imsor de 22 Bəhməni ruji anqıl əloə koon vinde;bənə hasornə,de bə İslomi Respublika dastək doey İronon səbarz kardeyone,çəy zuon ziyod karde və ıştə bəyonotonədə və planonədə bo ironi mərdumi təslim kardeyro səy kardə dışmenonon məyus kardeyone.”

İslomi İnğılobi Yolə Rəhbər çın dıjdə hərəkoti mukofatış bo İroniro vey dıjdə ləyoğət,nufuz və komilə mıstəğilətiş hisob kardə və əlovəşon kardə:“Boənən əmə həmmə vey erjin və ğıymətin bıə ın milli vəhdət iyən ibemoni mıhofizəro səy bıkəmon.”

Ə həzrət,kuçəonədə çı milləti iştirok iyən vucudi ğeyd kardə,iqlə sıxan və şuori təkror kardə holədə,bə dışmenon ıştə kiyəti və şəxsiyyəti nımayiş kardə holədə,ğeydışon kardə:Kişfəri daxilədə çand milyon insoni iştirok kardə bə ın dıjdə qırdbemon xoto bə İroni xalği har qıləyni ıştə mınnətdoəti və səmimi səlomon rosneyım piyedə.