İroni Ali Rəhbəri nıtği ivritə medyaədə doə əks-sədo

İroni Ali Rəhbər Həzrət Ayətullah Xameyi nıtği ivritə medyaədə əks-sədoş nışoş doə.

Yediot Aharonot ıştə hisoboti iqlə hissədə nıvıştəşe:İroni lideri votəşe:Əmə ijən həm məseydəmon ki,AİŞ-on bə İroni səmt təyyorəkırnə kəştiyon vığandeydə.Imon,şubhə ni ki, təhlukəynə cihozonin,lakin çımisə vey təhlukənin boçəy ğərğ kardey ğadir bıə silohe. Amerkə ləşkər qıləy qonə silli bəharde,çunki çı dınyo həmməysə zumandə ləşkər həm bə vironəkə zərbəon tov vardey bəzıne.

İvriti zıvonədə Həridi xəbə sayt(JDN) həm bın mevzuədə nıvıştəşe:İroni Ali lider bə prezdent trampi təhdidon qıləy şiddətinə cəvobış doə və bəy Amerkə təyyorəkırnə kəştiyon hədəf qətey barədə xəbərdorəti kardə holədə votəşe:Şımə 47 sore bo İslomi Respublika məhf kardeyədə qıləy ovandəti pəydo kardeyon zınəni və çımi bədiqə həm ımi kəsb kardey əzıniyon.

seonist rejimi 14-ə kanali televiziya həm ıştə informasiya saytəda çı trampi mənəvi fəsodi və Amerkə rəhbərəti strukturi məsələku bəhsış kardə və nıvıştəşe:İroni Ali Rəhbər bə trampi bə isəbıə mesajədə votəşe:Beəxloğə lider,ıştı suyi-ğəsdon məğlub be.

“Maariv” qəzet həm qıləy xəbədə təkidış kardə ki,İroni Ali lider deştə ın ehandımoni Tehron sərostə formədə çı AİŞ təyyorəkırnə kəştiyon şəbəkəş təhdid kardə.