İroni tojə Lider intixob be
De Xubrəqani Məclisi təvəssıti İslomi İnğılobi Nuyə Rəhbər təyin və elon kardey be.
Bismillahir-Rəhmanir-Rəhimİslomi İroni şərofətin iyən ozodə millət,Xıdovəndi səlom iyən durud bıbu bəşmə.Rəhbəri Xubrəqani Məclis de İslomi İnğılobi Yolə Rəhbər Həzrət Ayətullah Xameneyi(ğəddəsəllahu nəfsəhuz-zəkiyyə) iyən sayir ğıymətinə şəhidon min cumlə silohinə ğıvvon barzə məğami soybə komandanon və Minabi şəhri Şəcərəye-Təyyibə kinə məktəbi şoqirdon şəhodəti mınosibəti səbəsəloməti və həmçinin de amerkə iyən sehyonist rejimi bə İroni kardə təcovuzkoronə iyən vəhşiyonə hucumi məhkum kardey,bəşmə xıdmət rosneydə ki,ın məclis bilafosilə çe İslomi İnğılobi Yolə Rəhbəri şəhodəti xəbə elon kardey bədiqə və canqi yavə şərayiti iyən çe dışmeni bə ın mərdumi onemoni ələyh təhdidon iyən Rəhbərəti Xubrəqani Məclisi sərkatibəti bombardımoni rəğmən ki,bın hodisədə çın nəcmuə çandə nəfər koəvon iyən mıhofizə dastə zəxmin bin,çe İslomi Nizomi Rəhbəri səçıni prosesış i ləzə həm bə təxirış nıeğande və bəştə çe konstitusiya iyən çe Xubrəqani Məclisi çərçivədə dərc bıə vəzifəon əməl kardışe və bo nuyə Rəhbəri vıjıni iyən iztirori iclosi bərpo kardey cəhətədə lozımi tədbironış vinde iyən bəçəy xoto de kişfəri har vırəku iştirokış bıə çın məclisi nımoyəndəon cəm kardey cəhətədə koordinasiyə iyən mınosibə plan kəşey be ta bo Mıvəğğəti Şura təşkiliro Əsosə Ğanuni 111 prinsipədə bə ağılmandə proqnozon rəğmən,kişfər bə Rəhbərəti xələ` dıço nıbu.Xubrəqani Məclis çe Vəliyyi-Əsri(əc) ğeybəti zəmonədə de bə Vəliyyi-Fəğihi barzə məğami ğıymət doə iyən İslomi Respublikə Nizomədə bə Rəhbərəti məsələ əhəmiyyət doə holədə,çe İnğılobi dıqlə imomi 47 sornə zumand,mıstəğil iyən izzətinə hukmronəti qiromi qəteydəmon iyən həmonə İlahi iyən mərdumi rəhbəron xotırə əziz qətə holədə,ın məclis çe dəğiğ iyən hovujə tədğiğon iyən Əsosə Ğanuni 108 prinsipi zərfiyyətiku oko doey bədiqə,bə şəri vəzifə əsos iyən bə Mıtəolə-Xıdo huzuri etığod bıə holədə,ımrujnə fevğəlodə iclosədə Həzrət Ayətullah Seyd Mujtəbo Huseyni Xameneyi(h) bə Rəhbərəti Xubrəqani Məclisi uzvon ğətiyyətinə ray əsos bənə İroni İslomi Respublikə Mığəddəsə Nizomi Seminə Yolə Rəhbəri unvoni təyin və elon kardeydə.Oxoyədə həm çe Əsosə Ğanuni 111 prinsipi Mıvəğğəti Şura uzvonku ğədrdonəti kardə holədə,İroni həmmə şərofətinə millətiku məxsusən çe hovzə iyən unversteton elitəon de Rəhbərəti beyət kardey iyən bo vəhdəti xandi kardey və çe viloyəti qırdo cəm beyro dəvət kardedə iyən çe Bari-İlahi daymiyə inoyət və lutfi bə ın kişfər iyən yolə milləti nozili,çəy rububiyyətiku tələb kardedəmon.Vəssəlamu ələykum və rəhmətullah və bərəkatuh Həşi sori 17,12,1404
والسلام علیکم و رحمةالله و برکاته
Xubrəqani Məclisi katibəti
