İnğılobi Rəhbər: Bəpe məydonədə mərdumi iştiroki dəvomış bıbu

İslomi İnğılobi Yolə Rəhbər Həzrət Ayətullah Seyd Mujtəbo Huseyni Xameneyi de İnğılobi barzə məğami soybə Rəhbəri şəhodəti çılminə ruji mınosibəti iyən bə Seminə Tətbiği Canqi ayid muhimmə məsələon barədə qıləy mesajış pevolo kardə.

Çın mesaji komilə mətni şərh jıləvoniye:

Bismillahir-Rəhmanir-Rəhim

إِنَّا فَتَحْنَا لَکَ فَتُحَامُبِینَا لِیَغْفِرَ لَکَ الله ما تَقْدَّمَ مِن ذنبکَ وَمَا تَأَخَرَ وَیُتِمْ نِعْمَتَهُ عَلَیْکَ وَیَهْدِیکَ صِراط مستقیماً وینصرکَ اللَّهُ نَصْراً عَزیزاً

Çıl ruj çe İslomi iyən İroni dışmenon həmməysə dıjdə cinoyətonku iyən çın milləti torıxədə umumi doğon sanqinə qıləyniku dəvardedə. Çe İroni mərdumi dədə iyən çe islomi umməti rəhbər və holı-hozıyədə bıə həxtələbon navəşən,İroni şəhidon iyən çı mığoviməti cəbhə şəhidon seyd çe İnğılobi barzə məğami soybə Rəhbəri(ğ) odəmi dılisutunə şəhodəti doğÇıl ruje ki, çəmə şəhidi barzə ruf İlahi ğurbi kəno çe evliyo,sıddığin iyən şuhədo ziyofəti mehmon bıə iyən deəy eyni zəmonədə və ya çəy bədiqə,İslomi komandanon iyən canqəvəronku ziyodə dastə və çəmə məzlumə həmvətənonku ısət çe tojə bə dınyo omə çand rujnə hırdənonku qətə tosə sinnışon bəpe bıə kəson əvon həmmə bə ın dıjdə feyzi noyil bin. Çıl ruje ki, Mutəolə-Xıdo çın umməti liderış bəştə dido səmt vanqış jeyə.əmmo ın dəfə bə Kəlimullah əsrədə bıə çiyon əks be.Çe şəhidə Rəhbəri əshob iyən çəy ummət bo həxı bərpo kardey iyən de botıli mıborizə bardero məbus bin iyən bənə qıləy ğoymə bandon çe Samiri iyən çəy poynə vədə mandin və bənə otəşi poə bəsə təcovuzkoron iyən fironi əhli peyo rubin.Çıl şəv-ruje ki,çe aləmi mıstəkbiron ıştə duyəvıjə niğobonışon oj kardə iyən ıştə şəytoniyə ğətl,təcovuzi zılm iyən du,hırdənkıştey,istibdod iyən fəsodoış bə nımoyiş noə.Əmmo çımi mığobilədə çıl şəvı-ruje ki,Xomeyniye-Kəbiri iyən Xameneyiye əzize şəhidi fərzəndon iyən Muhəmmədi(s) əslə İslomi tərəfdoron deştə mislış nıbə səyon iyən şucoəti məydon iyən xiyobonon və çe canqi sənqəronədən və bə dışmenon vəhşiyonə hucumi xəsorəton rəğmən, Seminə Tətbiği Canqışon bə seminə mıdofiyə səhnəşon təbdil kardə.İroni aqahə milləti harçand nışonış doə ıştə şəhidə rəhbəri dıjdə firoği ğəmədə doğdorin.əmmo çın doğiku bə Huseyni Aşurə bevositə mirosdoron ixtido kardə holədə,çe rəcəziku qıləy ğəhrəmonətişon icod karde iyən ımon həmmə çe səyku bəpo de silohi təchiz bıə dışmenış bə heyrət varde və çe dınyo ozodə şəxson ımışon təhsin karde.In dəfə çe mıstəkbiron cəholət iyən nodonəti boyis be ki,Həşi 1404-ə sori isfəndə manq çe qıləy nuyə ğudrəti və çe İslomi İnğılobi iyən İroni nomi sərfəsl bə əməl boy və İslomi İroni pərçəm nəyinki,çəmə kişfəri coğrafiyədə,bəlkəm çe dınyo həxtələbon dılon nığılə vıronədə rost kardey bıbu.Şəhidə Rəhbəri xosyəton iyən hınəonIn mınosibət qıləy çokə fırsəte ta lıski mıxtəsərə formədə yolə şə`ni soybə Rəhbəri təğdım bıkom.sehbət çe qıləy merdiku şeydə ki,çanədə həm məşhur be,zıney nıbe.həmmə kəson zıneydən ki,çəmə Şəhidə Rəhbər ıştə zəmoni zınə qıləy fəğih iyən qıləy onıqnə bəsirətinə mıcohid be və bənə qıləy ğoym iyən mehkəmə bandi əmələkə alimi,zikri əhlə rəbboniyə alimi,Xıdo dərqoyədə çe təzərru iyən təhəccudi əhl be və bə Məsumon(ə) mığəddəsə zoti təvəssılış hestebe və ıştə coni nığılə vırəku bə İlahi və`dəon imonış hestebe.Çə həzrəti coqlə xosyətonku İroni piyey be və bo əzizə İroni həddiku ziyodə mıstəğilətiro dayima cəhd kardey be ki,çəy kənoədə bə milli vəhdəti təkid kardedəbe.Ə həzrət i umr bo İslomi nizomi bərpo kardey iyən boçəy dəvomiro səyonış karde və eyni holədə İslomi Respublikə bemillət çə həzrəti çəşədə beməno be.eyni zumandətiyədə de zərifəti bə koon qıləy nığılə nəzəş hestebe.bə kişfəri zərfiyyəton məxsusən bə cıvonon qıləy ciddiyə dığğətış hestebe.bə elm iyən texnoloqiyə iyən çəy sayədə bə navşemoni əhəmiyyət doydəbe.bo barzə məğaminə əzizə şəhidon,conbozon iyən fədoiyon xıyzonon qıləy məxsusə erj ğayil be.

Mıxtəlifə cəhətonədə bəzən çandə da soron bə boho ğıymətin iyən zızdə təcrubəon malik be və çandə co qılə xıslətonış heste ki,bə qıləy dırozə siyohi şomil beydə.ın rujon kali medyaonədə tikrorən çə həzrəti hınə,hınəşınosi iyən hınəpərvərəti barədə sehbət şeydə.ın unsur eyni holədə ki,coyli bo şəxsi şəxsiyyəti ziyodə erjon icod kardey bəzıne və təbiye çəmə əzizə rəhbərədə ım həyğiyə mənoədə aliyə həddədə be.de sayir unsuron mığoyisədə ım imtiyoz hırd bə nəzə omeydə.bandə şəxsən çə həzrətiku çandə qılə hınə və sənəton soyəxım heste.Çə həzrəti qıləy dıjdə hınə ki,kam bəy dığğət kardey bıə,de ziyodə mərdumi kutlə iyən iştimoyi qrupon vositə hisson,ruhiyyəon iyən fikon royku iştimo perosney və tərbiyə hınə be.Çə həzrəti coqlə sənət hədəfinə onemonon soxtey be ki,məxsusən ıştə rəhbərəti sıftənə soronədə bə dastiku bə diyəro bıə ufuğon nəzə kardə holədə,deəy hərəkətışon karde.Çə həzrəti coqlə hınə iyən sənət çe kişfəri hərbi strukturi zumand kardey be ki,İroni millət oxonə dıqlə tətbiği canqədə çəy mısbətə təsironku aqah bin iyən foydəşon barde.həmçinin mıxtəlifə cəhətonədə,ısət elmi ya stratejikə cəhətonədə və ya siyosətonədə bıə təşəbbısi ğudrət,çə həzrəti coqlə hınə iyən sənətiku be ki,çəyku qıləy səyfə çe sistemi kulliyə siyosəton tərtibədə inikasış pəydo kardə və həmçinin çe reçinə kəlmə iyən tərkibon soxtey royku mənon ofəyəmonəti ğudrət ki,çəvon har qıləyni çe mənonku qıləy dastə xəlğ iyən həml kardedəbe və çəyku umumi diskurs bə əməl omeydəbe və min cumlə qıləy hınə ki,bəçəy barzə rufi şiddəton,imtohonon iyən bəloon zəmonədə bıə təmizəti təsiri və bə həxə royədə bıə səbr iyən istiğoməti xoto hosil bıəbe,qıləy çe dastiku bə diyəro bıə hodisəon proqnozi hınə be ki, المؤمن یَنْظُرُ بنور اللهvə coqlə hınəon ki,əvoni bın mıxtəsərə mesajədə aşmardey mumkin ni.ım həmmə məziyyət iyən hınəon ğərəz İlahi xolisə inoyəton və çəmə sərvəri(s) iyən çəy pokə əjdodi məxsusə dığğəti co çi nıbe.şayəd ın inoyəton iyən dığğəton bə həmonə buzurquvori səmt cəlb kardey bıbu və ımi çe həxə kəlmə barzətiyədə bıə çəy xolisonə və nımandə mıcohidət iyən səyonədə xulosə kardey bəbe.Əmmo xususi formədə ğərəz çə həzrəti de Pəhləvi hukuməti xayinə aparati mıborizə saxtiyon,coqlə xassə fırsətiku çe vəzifə əncomi royədə bəhrəşon bardə ki,umum mərdum adətən çəyku xəbəşon nıbe.ın cur təğdır bıə be ki,cıvonə Seyd de şiddəti çe elmi və həlbəttə çe əməli tələbədə,qıləy zəmon ki,çəy buzurquvorə dədə çəşon vindedənıbe,çandə dırozə soron çe aliyə ustodon məhzərədə zonu jey bədiqə, Ğomədə bıə ıştə qırd elmi navşemon iyən ayəndə soxtə zohiri zəminəonış vo doe iyən de bə İlahi fəzli etımodi ıştə pıə xıdmətədə mande.İlahi fəzl çın ıştə coniku dəvardey bədiqə jıqo zohir be ki,ğəflətən Seyd Əli Xameneyi çe si snnikku bənav bənə qıləy həşi Xorasanədə səş rost karde və rəyrə bənə qıləy fiki iyən mıborizə sutunon nışon doey be və məşhurə elmonədə dığğət kardəninə inkişofonış bə dast varde.joqo ki,Həşi 1350-ə soronədə Savaki aparat əy bənə çe Xorasani Xomeyni zıneydəbin.bəpe bə ın nuktə təkid bıkəm ki,çə buzurquvorə şəxsi botıni iyən zohiri tərəğği ın proses,peşonə zəmononədə həm dəvomış pəydo karde.ısət jıqo qıləy şəxsiyyəti rəfrori dərs omutey məğamədə vey çoke ki,ın xolisonə xeyrxahəti xısləton bo iyande bıvotəmon ki,ın xosyəton iyən deəy bəcio,bə İlahi hovujə rəhməti nəzə,çın kəsi muhimmə farğe ki,çe həxə pərçəmi jiyədə mandə və ə kəson ki,çe botıli pərçəmikəno qırdə bıən.təbiye jıqo qıləy prosesi təğib kardey,osmoniyə ğıyməton və çandə nev İlahi iyən ğeybi imdodon nozil bəkarde. ısət çe İlahi rəhməti voşonku qətə tobə bəsə dışmensiə ğələbə iyən hətto elmi və texnoloji navşemonon.Bın rujon tikrorən məsəyone ki,çəmə əzizə mərdumiku mıxtəlifə qrupon,həxədə və de həsrəti həmonə yolə şəxsi bə yod vardedən və qədə-qədə çə yolə şəxsiyyəti dəvəşə qovhəriku ziyodə vəchon zohir beydə.

həmçinin bə buzurquvorə şəxsi məxsusə felon tabe bıə holədə,har tərəfin beydə.ə cumlə çəmə azizə millət Çə həzrəti şəhodəti zəmonədə ıştə mışti eqəteyku dərsonışon omute və ısət həmonə eqətə bıə mışt,bo bəziyon çe əğedəku inev qıləy mıştərəkə simvol bıə.jıləvoniye ki,ijən həm sobit beydə ki,çe şəhidi təsir həmmə hozzıə fərdisə ziyodəy və çəy rəsə sədo bə tohid iyən həxtələbti dəvətədə və de zılmi iyən toykiyəti mıborizədə vey çok məsey beydə və çəy mesaj çəy həyoti devronisə vey nufuzine və həmçinin çın ali ğədrə şəhidi ğəlbi xahiş ki,çın milləti iyən sayir mısılmonə milləton hərəbaxtəti be,çe naviku bə həyğəton vey neze.Çəmə həmvətənə bıvon iyən hovon Seminə Tətbiği Canqədə çe İroni ğəhrəmonə milləti səbarzəti ımruj tosə ın noxtə çe Seminə Mığəddəsə Mıdofiyə ğəhrəmonətiku votey bəbe ki,şımə çe İroni ğəhrəmonə millət çın meydoni ğətiyə ğalib biyon.Imruj çe İslomi Respublikə pemə həşi bənə qıləy dıjdə ğudrəti unvoni çe istikbori vədə mande və çəy bə saru səmt şey bo həmmə kəson oşko be.ım beşək İlahi neməte ki,deçəmə azizə şəhidə rəhbəri iyən de co şəhidon və həmçinin çəmə məzlumə həmvətəon və Minabi Şəcərəye-Təyyibə məktəbi pər-pər bıə şoqirdon xuni bərəkətiku və çe milləti həmmə qıləyni bə Xıdo dərqo bıə təvəssul iyən çəvon məydon,məhəllə iyən məçitonədə bıə mıcohidonə və de təzərru bıə iştirok və bə Sepah,Ləşkər iyən Polis ğıvvon və benomə sərbozon iyən marzdoron bə İroni xolisonə iyən bemınnətə daymiyə confəşonətixoto be.ın nemət bənə co qıləy neməti bəpe bəy şık kardey bıbu ta baği bımando iyən ruşdış bıbu ki,لئن شکریم لأزید تکمÇın neməti əməli şukr,bə zumandə İroni rəseyro bıə dayimiyə cəhdonədəy.Səhnədə çı mərdumi iştiroki dəvomi əhəmiyyət Isətnə anonədə bo Şəhidə Rəhbəri ın şuor iyən stratejikə hədəfon real kardey zəruriye və çəmə əzizə milləti səhnədə daymiyə iştirok bənə dəvardə çıl rujiye.ın huzur çe mənzilətiku qıləy muhimmə sutune ki,ısət zumandə İron əyo mıstəğər bıə.binobərin bəpe de mızokirəon elon karde,dışmen təsəvvır nıbı ki,həni məydononədə bıə huzur lozım ni.bəlkəm ehyanə fərzən, zərurətən nevbə bə hərbi canqi səhnə sukuti devrə bırəso,çe mərdumi har qıləyni vəzifə məydon,məhəllə iyən məçitonədə bıə huzure.Şək ni ki,şımə məydononədə bıə fəryodon bə mızokirəon nəticəon təsir bənoe.çoko ki,bo İroniro confədo çandə milyonə heyrətamizə ədəd həm,bın səhnədə təsirinə unsuronkuye.de Təborəkə-Təolə Xıdo izni çın rol ofəyey təsirədə iyən əyo bıə daymiyə iştirok çe İroni milləti vədə bənə qıləy mənzərəy ki,boəy qıləy de izzət.səbarzəti iyən qəncinəti pur bıə dəvəşə vəomə əzəməti zohiri mıjdəvoni doydə.Çəmə Şəhidə Rəhbər qıləy vaxt ki,rəhbərətişon bəştə ehdə peqəte,İslomi Respublikə nizom bənə qıləy toğə be ki,çe İslom iyən İroni dışmenon çandə qılə zəxm bəy daxil bıəbe və həlbəttə bımon həmmə çok-çoki tovışon vardəbe.əmmo qıləy zəmon ki,bə 37 sori nezi bədiqə,çe umməti rəhbərəti kursişon tərk karde,Şəcərəye-Təyyibə ki,çəy rişə mehkəm iyən çəy şoxə və livəon bəsə məntəğə iyən dınyo muhimmə baxşonədə soğnəş eğandə.bə İroni dast pəydo kardey nəzə,vey zumandə formədə çe camiyə mıxtəlifə təbəğəon miyono bıə vəhdəti royku dəvardedə ki,ə həzrət hejo bəy təkid əkardi.dığğət kardəninə şikilədə çın vəhdətiku bıə cilvə bın dəvardə çıl ruji dırozi bə həyğət rəse və mərdumi dılon bəiyande nez bin və de tafutinə meylon bə ico çe mıxtəlifə təbəğəon miyono bıə biyon ov bin,həmmə kəson çe vətəni pərçəmi jiyədə cəm bin və rujbəruj bə ın cəmi ədədi iyən bəçəy keyfiyyəti əlovə beydə.ziyodə kəson ki, hənuz həm bə jıqo qıləy huzuri dastışon pəydo kardəni,ğəlbən de məydonondə bıə cəmyəti həmro iyən həmsıxanin.In rujon xeyli odəmon sivilə nəzəonışon de bə diyəroə ufuğon çəş xıyə kardey təcrubə kardedən və nəyinki,boştə xiyoli təsəvvıriro,bəlkəm bə ısətnə iyən ayəndə həyğəton təkyə kardə holədə, ofəyedə.ım qıləy xosyəte ki,tosə kami çımi bənav kamə dastə ki,şəhidə rəhbər çəy sədə ğərolış qətəbe,vindey beydə.jıləvoniye ki,har qılə nəzə kardə kəs çın milləti rəyrə iyən mecuzəvi ruşdi dərk kardedə və hədərə ni ki,bın rujonədə çın devroni nomdorə həkim iyən ali ğədrə fəğih,qıləy vaxt ki,deşmə çın şə`niku sehbət kardedəbe,çandə kərə

çəy bəmə xırtə bəçəy kəlməon mane beydəbe.