Pars Today

İroni xarıci vəzarətxanə sıxənəvot Misri Əlmeniya ostanədə bə xıristiənon hucum karde terroristiyə hadisəş çı mıtəşəkkilə himoyə bıə irğçiəti misdağ zınəş be və məhkumış kardə.

Bəhram ğasımi bə ım nuktə işorəş kardə ki Mənçısterədə tıpımon, Filipinədə Daeş və Əbu-Səyyaf terroristiyə qrupi hucumon, İndoneziya və Tailandədə cinoyəton ijən Misrədə tojə xoninə hadisə qırd çı Trampi bə Ərəbiston səfər karde bəpeştə əncom be və votışe: jıqonə hərəkəton və terroristiyə hadisəon dəvom peydo karde qıləy nışonə heste ki mıtəşəkkilə İrğçiətion hələ dəvomış heste ki çəy co qılə nımunəon ısət Ərəbiston, Bəhreyn və Yəmənədə muşahidə bıdə.

İroni xarıci vəzarətxanə sıxənəvot təkidış kardə: Ərəbistonədə tojə nımoyeşon və bə dast dənonə bərnoməon çəy əvəzi ki bə çəvon iddiayon əsos bə terrorizmi əleyh bıbu fəğət bə Vəhabiyət və Təkfiriyə əndişəon sadir əkə mərkəz ijən terroriston puli və silohonə koməkon təmin əkə kişvəri yəni ərəbıstoni himoyəon ziyod bey əv həm dınyo həmmə vırəonədə boiys bıə.

Ğasımi votışe: jıqonə mıtəşəkkilə İrğçiəti və radikalizmi nəticə çandə beqınohə xonon ru karde əcumlə mısılmonon, xıristiənon və co din-məzhəbonku tərəfdaron ğətliam karde boiys bıdə.

Əv ijən çı beynəl xalğiyə təşkilaton və dınyo dıvləton məsuliyəti barədə umumiyə əmniyyət və de terrorizm mubarizə barədə xoto həğiğiyə hərəkət və siyasəton bə yod vardışe.

Zinə 10 nəfər silohinə terrorist Misrədə bə 2 qılə avtobus hucumışon kardə ijən 26 nəfəri kıştışone, 20 nəfəriku vey odəm zəxmin bıən.