Çıro İron bə Duğm porti qonə hucumonış əncum do?

İyuli 12 minə rujədə, İroni ğıvvon Omani Duğm portədə bə Amerkə enerji ovoştoniyey və locistik təsisoti ələyh qonə hucumonışon əncum doə.

In hucum bə Amerkə hərbiyə əməliyoti de İroni reaksiya 1baxş nomi elon bıə.

Əmmo çıro İron Duğm portış vıjni?Bə hərbiyə eksperton votey əsos, harçənd Amerkə təyyorə şıkırnə kəştion atom vəşemoniku istifodə kardən, əmmo de əvon bə ico bıə hucumi sistemon iyən qrupon, jəğo bə nat iyən qazi vabəstən.

Esmineson, himoyə əkə kəştion, hərbiyə təyyorəon iyən bepilotə təyyorəon de vəşemoni nıbe bə əməliyoti dəvom doe zumandətişon ni.

Omanədə Duğmi port məntəğədə Amerkə dıyo ğıvvon kəştion locistikiyə himoyəon iyən oqətey, təmir və enerji rosniye muhimmə mərkəzonkuye.

Eksperton bovəşon heste ki, ın təsisotədə proplem icud kardey bəzne təyyorəon hucumi – zerehiyə qrupon əməliyoti zumandəti şiddətinə surətədə kam bıkə.

Bə ın təhğiğon əsos, İron bə təyyorə şıkırnə kəştion sərostə surətədə hucum bardey əvəzi, çəy himoyə kardə zəncirəş hədəf ğərorış do.

Bə nəzə rəsedə bə Duğm hucum bardey oşkoə mesajış bıə: İron nəinki, canqiyə kəştion nəzorəti jiyo ğərorış doə, bəlkəm hozzı ki, həmonə strakturun ki, çəvon zumandəti dəvomi təmin kardə hədəf ğəror bıdə.