De İroni muharibədə Amerkə əskəron miyono tələfoti ziyod bey

Pars Tudey-Assoşited Press de İroni canqi zəmonədə bə Amerkə əskəron miyono tələfoti ziyod bey etırofış kardə.

Pars Tudey bə Mehr Xəbə Aqentəti istinodən doə məlumoti əsos,Assoşited Press de İroni canqi zəmonədə həlok bıə Amerkə əskəron ədədi bə 17-nəfəri rəseyış etırof kardə.Bın miyono,bənə Pentaqoni zıney bıə AİŞ Hərbi Departament,bə İroni zidd təcovuzi bədiqə çın kişfəri əskəron miyono zəxmin bıə kəson rəğəmi bə 427-nəfəri rəseyış bəyon kardə. Im,çe İroni məntəğədə bıə raket və bepilotə təyyorə əməliyyoton zəmonədə de Amerkə əskəron tələfoti anqıl rəsmi statistika dərc bey,bə ciddiyə şikilədə senzura kardə bıə qıləy vaxti təsoduf kardedə.çımi bənav çe AİŞ terroristə ləşkəri Mərkəzi Komandanəti İroni bə İordaniyadə bıə Muvəffəğ əs-Sulti bazə hucumon bədiqə bə Amerkə dıqlə əskəri kıştə bey və iqləyni həm qim bey etırofış kardə.