Aya Kuveyti ın mərkəz Asiya ğərbədə qıləy ziyon vinə nığtəonkuye?

Kuveytədə “Ərifcan” mərkəz ki, Amerkə hərbiyə ğıvvon locestik mərkəz bə hisob omedə, de İroni bepilotə təyyorəon çandə qılə mərhələ qunə hucumon hədəf ğərorışon qəte.

In hərbiyə mərkəz ki, Kuveyti şərği cənub şərğədəy, Amerkə mərkəzi fəmondəhi (sentkam) himoyə kardə əsliyə mərkəzonku bə hisob omedə.

Ərifcan hərbi baza çı Amerkə hərbiyə ğıvvon himoyə sistemon və sur-saton, zerehi və canqiyə maşinon iyən təchizaton vırəye.

In hərbiyə mərkəzi fəoliyət 1990 minə sori oxonə rujonku bino be və 2003 minə sori bəpeştə inkişofış pəydo karde.

Bə nəşr bıə məlumaton əsosi, ın təsisotədə mevcud bıə təchizoti erj, təğribən ta 5.5 milyard dollar zıniyə bıə.Iyən Ərifcani hərbiyə mərkəz, Sentkami məsuliyəti baxşədə Amerkə hərbiyə ğıvvon(İminə xət) navədə şıə fərmondəhi vırə nomi əməl kardə.

Hərbiyə eksperton bovəşon heste ki, ın təsisoti əhəmiyət çəy locestikiyə roli xotoye və çəy fəaliyətonədə harcurnə problem icud kardey bəzne bə hərbiyə təchizoti hozzı kardey və ovoştoney ro şiddətinə bevəcə təsirş bıbu.

In hərbiyə mərkəz bə Kuveyti porton və aviya mərkəzon iyən məntəğə nəğliyoti vabəstəy və təhlilçiyon bovə kardən ki, həminə mevğe, əy Amerkə hərbiyə ğıvvon locestikiyə zəncirədə bə qıləy zəruriyə halğə təbdilış kardə.