İron Suni İntellekti sahədə Qlobal Həmkoəti Təşkiloti uzv be

Pars Tudey-İron de Suni İntellekti sahədə Qlobal Həmkoəti Təşkiloti icod kardey sənədi imzo kardey bə çın təşkiloti təsisəkə uzvon qrupi omuj qıniyə.

Pars Tudey bə İroni Tele-Rədyo Korporasiya istinodən doə məlumoti əsos,İroni Çinədə bıə səfir çı İroni İslomi Respublikə hukuməti nomiku de Suni İntellekti sahədə Qlobal Həmkoəti Təşkiloti icod kardey sənədi imzo kardey,çe İroni nomış bın tojə onə bıə onemoni uzvə kişfəron miyono bə ğeydiyyot sey bıə.In sənədi imzo kardey bədiqə Əbdurrza Rəhmoni Fəzli de Çin xarici koon vəziri mıovin Liu Bini bıə didoədə veytərəfinə həmkoəti navəşənə texnoloqiyaon vəomə bə forma dənoyədə bıə roli vocibəti təkid kardə holədə bəyonış kardə:İron suni intellekti elmi, tədğiğot və tətbiği inkişofədə,həmən bo ın texnoloqiya ədolətinə istifodəro beynəlxalğə mexanizmon icod kardeyədə fəolə iştirok kardero hozzıye. Pekinədə bıə İroni səfiri təkidış kardə:In beynəlxalğə təşəbbısədə iştirok kardə və çı təsisəkə kişfəron miyono bıə holədə,İroni İslomi Respublikə nuyə texnoloqiyaon sahədə konstruktiv iştiroki nəzə dəvom kardedə və bo cəmyəton dəvominə inkişof və tərəğğiro suni intellekti imkononku istifodə kardedə. Ğeyd kardey lozıme ki,Umumdınyo Suni Zəko Həmkoəti Təşkilot(WAICO) 16 iyul 2026-ə sori de Çini təşəbbısi Şanxayədə bərpo bıə"Umumdınyo Suni İntellekti Konfrans 2026" çərçivədə ofəyə bıə.