Nəcəfi: ətomiyə təvafuği çərçivədə İroni fəaliyəton dəvom peydo bəkay.

Ətom enerji beynəl xalğiyə təşkilatədə İroni daimə nımoyənd votışe: çı ətom enerji beynəl xalğiyə təşkilati rəis Yokiyo Amano tojə raport ujnən İroni ətomiyə fəaliyəton və bə ətomiyə təvafuği əməl karde təsdiğ kardedə.

Bə İrib raporti əsos çəy bəpeştə ki çın təşkilati tojə raport muntəşir bıə ağaye Nəcəfi de işorə karde bə ım raportədə bıə bənə dəvardə dıvrəon çokə mıhtəvaon ijən çı İroni ətomiyə fəaliyəti təsdiğ karde əlovəş kardə: ım raportədə fəğət bə texnikiyə mıvzoon işorə bıə.

Ətom enerji beynəl xalğiyə təşkilatədə İroni daimə nımoyəndə təkidış kardə: tojə muntəşir bıə raportədə bə İroni ətomiyə fəaliyəton iyən təhğiğ, inkişof, santifoqon əvəz karde ijən tojə texnoloqiyaonku çı ətomiyə təvafuği çərçivədə istifodə karde təsdiğ bıə.

Reza Nəcəfi təsdiğış kardə: Yokiyo Amano raportədə ijən təsdiğ bıə ki ətom enerji beynəl xalğiyə təşkilat çı İron və 5+1 qrupi miyono ətomiyə təvafuği icra bey i minə rujiku bə İroni ətomiyə fəaliyəton nəzorət karde binoış karde və ijən dəvom dodə.

Ətom enerji beynəl xalğiyə təşkilat zinə ıştə fəsliyə raportədə təkidış kardə ki çı İroni ətomiyə fəaliyəton çəy çərçivədə və bə ətomiyə əsos ijən dəvom peydo kardedə.