Ğasımi sıxanon Şanqhay həmkariyə təşkilati omə iclosədə ironi daimə uzviyyəti muvzo həxədə.

İron İslam Respublika xarici vəzorətxonə sıxanəvot Şanqhay həmkariyə təşkilati yolon omə iclosədə ironi daimə uzviyyəti həxədə nəşr bə xəbon vədə reaksiyaş nışon do və votışe:islamiyə respublika daimə uzviyyət ım təşkilatdə haftə oxoydə bə iclosi planədə ni.

Bəhram Ğasımi de Fars aqentəti təşkil doə votımonədə Şanqhay həmkariyə təşkilati iclosədə bə İron İslam Respublika ali rutbəinə heyəti huzuri işarəş karde və ıştə sıxanon dəvomədə əlavəş karde ım məmləkəton de ciddiyyət həmmə iclosonədə bənə nəzorət əkə uzvi unvanədə çokə səthədə iştirakışon bə və şanqhay həmkariyə təşkilati  şərayet (vəziyyəti) domoədən.

Ğasımi həmçinin əlavəş karde İron ıştə tələbış ım təşkilatdə daimə uzviyyətiyu təğdimış kardə və uzv bə məmləkəton xəyli yolon iyən rəsmi şəxson çandəkərə ironi daimə uzviyyətiku istiğbalışon kardə əmmo çəy bə nəticə rəse və icra bəpe əçəy vaxtədə və həmmə tərəfon həmkarətiədə əncom bıbo.