İroni mısofiriyə təyyarə şəhidon bə yod dənoe xoto.

Imruj Tir manqi 12 iyən Iyuli 3 minə ruje, 29 sor çımiku bə nav və bənə jıqonə ruji çı Amerkə Vinsens nomo bıə hərbiyə qəmi Fars diyo səpe bə İroni mısofiriyə təyyarə huccumış kardə ijən həminə təyyarədə həmmə 290 qılə mısofiri şəhidış ka.

Şəhid bıə mısofiron qırd İroni Bəndər Əbbas şəhriku bə Dobay( çı I Bıə Ərəbon Əmirəti paytəxt) şedəbin.

İroni mısofiriyə təyyarə suğuti bəpeştə Amerkə rəsmi şəxson ıştə həminə cinoyəti tocih kardero çandə be payə-əsosə illəton elanışon kardə və cəhdışon kardə ki ım vəhşiyə huccumi bənə qıləy səhvə hərəkət nışo bıdən.

Əmmo de diğğət bə Vinsens hərbiyə qəmi təchizaton ijən İroni təyyarə hoviyyət və mahiyəti məlum bey kamilən sabit və oşkor bıə  ki ım huccum qıləy vəhşiyə deşmənçiyə hərəkət be ki de ğəsd və niyyəti əncom bıə.

Amerkə bə faxti prezident hətto bə ım hərbiyə qomi kapitan və qeneral fəxri nışonə və midali doşe.

Imruj Fars diyoədə bıə ım təyyarə suğut karde vırədə ijən bə 290 qılə şəhidon ehtırom karde xoto şəhidon ailəon və muxtəlifə cəmaəton bə ovi dılə vılə dastə ğandeşone.

Im cinoyət ki hiç faxt çı İroni milləti xatir və fikonku pok əbe ni ijən qıləy zumandə sənəd bə insonə həxon mudafiə karde xoto çı Amerkə iddio bıə şuaron və puçə sıxənonku hisob bıdə.