Yunseko və Məscidul-Əğsadə seonist rejimi kardə hərəkəton məhkum kardey
Yunseko və Məscidul-Əğsadə seonist rejimi kardə hərəkəton məhkum kardey
Yunesko Dınyo İrsi Komissiya çılı iminə iclos 2017-ə Miladi sori iyulə manqədə Polşə Krakov şəhrədə bərpo be və iyo Fələstıni sərzəmini şəhr bıə Əlxəlil şəhr de Dınyo İrsi nomi ğeyd be.İroni Yəzd tarıxiyə şəhr, Hındıstoni Əhmədabad şəhri ğədimiyə baxş və çı Fransə Starsburq şəhri i baxş min cumlə çə məntəğəonkuye ki,bın iclosədə ğeyd bin.
Seonist Rejimi sərvəzir Benyamin Netanyahu bə Yunseko təşkiloti çı Əlxəlili barədə bekardə ğanuni həmləş karde və çı ım Beynəlxalğ təşkiloti ım ğərolış beməno və cəfənqış zıne.əv ıştə feysbuk səyfədə de qıləy video mesaji vositə jıqoş vote:ım çı İbıə Milləton Təşkiloti bekardə co qıləy cəfənqə ğərolonku qıləyniye.
Seonist Rejim əynə ruji elanış karde ki,çı Yunseko bə Əlxəlili kanə hissə Dınyo İrsi siyohiyədə ğeyd kardey cəvobi əlomət ıme ki,əvon bın şəhrədə çı yəhudiyon tarıxi muzey bəsoxten.
Seonist Rejimi iminə vəziri ofisi de qıləy bəyoniyyə elanış karde ki,Netanyahu bə ğərol omə bə Yunesko ım hərəkəti xoto İsrayili bə İbıə Milləton Təşkiloti uzviyyəti həxıku i milyon dollar bəkam bıkəy və ın puli bo Əlxəlil şəhrədə bo yəhudi sakinon tarıxi nımoyiş doeyro,qıləy muzey təsis kardero sərfkəy.
İsrayil Əlxəlil şəhri iyən co ğərbi japə ətrofış,Beytul-Mığəddəsi şərği hissə və Ğəzzə tanqə,1967-ə sori Miyonə Şərği canqədə işğalış karde və çə zəmoniku de tobə ısət deməkə ki,Beynəlxalğ təkiloton əy tənğıd kardedən,əmmo əv ijən ıştə işğaləkə siyosətiku dast peqətedəni.
Seonist Rejimi canqi vəzir Aviqdor liberman çı Yunseko barədə votəşe:Yunseko bə İsrayili zidd iyən qıləy tərəf kəşə təşkilote.ın hərəkəti sabitış karde ki,Fələstın Muxtar Təşkilot bo sulhiro cəhd kardedəni. bəlkəm,əvon bə İsrayili imici zərəl rosney dumon. İsrayili Xarici Koon Vəzərotxonə həm əvış qıləy rısvoynə ləkəş zınə.Seonist Rejimi Xarici Koon Vəzərotxonə sıxanəvot Emanuel Naşon ıştə ”tvitter” səyfədə çı Yunesko Təşkiloti ım hərəkətış məhkum karde və nıvışteşe: Yunseko! ayb bıbu botı.ım hərəkət bə ım təşkiloti çəkuti qıləy rısvoynə ləkəy dəçıkə.
Yunesko Əlxəli şəhri kanə baxşi Fələstıni məntəğə unvanədə bə rəsmiyyət zıney ray bəpeştə,Amerkə həm elanış krdə ki,bəştə de Yunesko bıə rabitəon ijən sənibəton nəzə bəkay.çı Amerkə İbıə Milləton Təşkilotədə bıə səfir Niki Hili elanış kardə ki,Yunesko çı Əlxəlili həxədə bekardə ım ğanun “tarıxi təhğır” kardeye.Amerkə de qıləy bəyoniyyə sadir kardey elnaış kardə ki,ım ğətnomə çı ısətnə Trampi dıvləti və çı Vaşinqtoni xarici siyosəti muhimmə prioritetonku qıləyni bıə İsrayil iyən Fələstıni miyono sulhi mızokirəon bəyji kardey cəhdi çı miyoniku bəbarde.votey lozıme Amerkə qıləy holədə ki,ijən çı Yunseko təşkiloti penco həşt qılə uzvonku iborət icroiyyə heyəti uzvonku qıləyniye,əmmo həni Umumi Konfransədə ray doey həxış ni.
Deməkə ki,bın təşkilotədə Seonist Rejimi səfir befoydə cəhdonış karde ta çın mərkəzi ım ğəroli vəy bıqəto,əmmo Yunesko Umumdınyo İrsi Komitə bə Fələstınıjon xeyri de ın ğəroli bekardey ıştə mıstəğilətiş oqəte.bə omə ray əsos Əlxəlil(Həbrun)-i kanə şəhr iyən İbreymi Hərəm ki,bə Ğudsi işğaləkə dıvləti təcavuzon məruz mandə,çı Yunesko de təhlukə dim bə dim mandə əsəron listədə ğərolış qəte.bə ım ğəroli Seonist Rejimi Yuneskoədə bıə səfir de vey beədəb iyən ğustaxə formə reaksiyəş nışon doe. joqo ki,əv ıştə sıxanon oxoyədə voteşe ki,bəbe az bə tualet bışom.çumçuko bomı bə lınqə ro şıey bın iclosədə iştirok kardeysə vey muhimme.əv bə kəno beşeyədə bın konfransədə iştirok kardə kəson həmməy əvışon bə ləğ noey iyən bəy məsxərə kardeşone.
Bə Seonist Rejimi bın təşkilotədə bıə səfir Karmol Şama ziyodə etırozon rəğmən,ha holədə Yunesko de 12 qılə mıvofiğ iyən de 3 qılə mıxolif və 6 qılə neytralə ray çı İordan ruy sahilədə iyən Beytul-Mığəddəsi cənubi 30 kilometrədə bıə Əlxəlil şəhrışon umumdınyo irsi unvanədə bə rəsmiyyət zıneşone və ım bo Fələstıni qıləy diplomatikə ğələbə bə hisob omeydə.
Əlxəlil ki,çandə həzo kanə tarıxış heste,təğribən 200 həzo mısılmonə fələstınıjə cəmiyyətış heste.oxonə soronədə de Seonist rejimi himoyə çandə nəfər yəhudiyon çın tarıxi şəhro nezədə qıləy qədə şəhrışon soxtə və çın şəhri ğədimiyə baxşon məf kardey dumon.çı Fələstınıjon təklif doə ğətnomədə bə çın şəhri klanə hissə qıləy mısılmonə baxş bıey təkid bıə ki,çı Əlxəlil şəhri ım hissə de əsron dəvardey lıski əvəz bıə.
Çımi bənav həm Yunseko İcro Şurə Həşi sori 1396 ordubeheşt manqədə ya Miladi 2017 mayə manqədə de qıləy ğətnomə vositə Seonist Rejimış işğal bıə Beytul-Mığəddəs və Ğəzzə tanqədə bə Beynəlxalğ ğanunon rioyət nıkardey xoto məhkumış karde və çın rejimiku tələbış karde ki,bə ın şəhron tarıxiyə şəxsiyyəti ehtırom bınəy.
