DAİŞ-i oxo və bo İraği dərson
DAİŞ-i oxo və bo İraği dərson
DAİŞ terroristə qrup 2014-ə sori iyunədə bə İraği Neynəva ostani mərkəz Mosul varid be.ın hodisə qıləy holədə bə əməl ome ki,İrağdə 2014-ə sori parlamenti vıjnemon bə oxo rəsəbe və çın kişvəri siyasi qrupon çı Nuri Maliki seminə kərə sərvəzirəti həxədə bə ixtilofon dıço bıəbin.həyğətədə,DAİŞ de İraği kali daxili qrupon və unsuron koməqi vositə məxsusən de fəailiyyətış oqətə bıə BƏƏS partiyə uzvon iyən de İraği şiyə dıvləti mıxolif bıə bəzi xarici kişvəron himoyə vositə bə İrağ daxil bin.həlbəttə,ımi həm votey lozıme ki, 2003-ə sori Amerkə bə ın məmləkəti həmlə bəpeştə çı DAİŞ-i İrağədə zohir bıey zəminə, 2003-ku de tobə 20014 hozzı bəbe.2014-ə sori zikr bıə daxili amilon bə terroriston ım icozəşon doe ki,əvon bə İraği sərzəmini hucumkəyn iyən çın kişvəri i baxşi işğalkəyn.
Əmmo DAİŞ ıştə İrağədə bıə huzuri iminiə rujonku sabıtış karde ki,ın terroristə dastə himoyə kardə kəson çımon barədə bə qıləy stratejikə səhvi mırtəkib bıən.zira itərəfo çı DAİŞ terroristə dastə kardə cinoyəton nışonış doe ki,ım cinoyətkorə qrupi himoyə kardey dəvom ,dınyo iştimaiyyəti qırd fikon zəxmin bəkarde və bəçəvon himoyədoron rısvoyçəti boyis bəbe.co tərfiku həm DAİŞ terroritə qrupi dumo ğudrəti bıey iyən bo İraği kırdon bıə məntəğon işğal kardey mevzu,ın terroristə qrupi himoyə kardə kəson məxsusən Amerkə siyosəton çərçivə cəhətədə nıbe.binobərin İrağədə DAİŞ terroristə dastə zohir bıeyku se manq dənıvarde ki,de Amerkə rəhbərəti vositə bə ın terroristə dastə ələyh çı 60 qılə məmləkətiku iborət qıləy beynəlxalğ koalisiyə icod be.de co qıləy iborəti rəğribən dınyo kişvəron seədə i hissə ki,ımon həm çı dınyo iyən regiyoni dıjdə ğudrəton bin,bın koalisiyə və etilofədə iştirokışon karde.əmmo telə istehzoyinə çi ım be ki,DAİŞ terroristə qrupi İrağədə bıə suğut de Amerkə rəhbəri vositə bıə çın beynəlxalğə etılofi təşkil bıey bədiqə 36 manq dəkəşe.ıştən həm nəninki,de ın koalisiyə vositə,bəlkəm DAİŞ-i İrağədə bıə suğut de İraği mıştərəkə hərbi ğıvvon vositə hosil be və ım millətiku səfərbər bıə ğıvvon bin ki,ım terroristə qrupışon bın məmləkətədə bəsə zonusə nıştıvnoşone.həmınə mevzu ımi bəyon kardedə ki, DAİŞ-i İrağədə zuhuri himoyə kardə kəson ıştə mənafeyon dumo bin və çın terroritə dastə İrağədə rişə bırniye həm deçəvon siyosəton i omeydənıbe.əvon fəğət çın terrositə dastəku boştə siyosəti təblığ kardeyro çəy sape manevr kardedəbin....
Beşək DAİŞ-i bə İraği həmlə nəticədə ım çı İraği məxloğ be ki,bın həmlə zəmonədə ğıboni bin.İraği millət dıqlə cəhəto kırt iyən dırozə mıddəti cəhəto çın terroristə qrupi İraği ibaxşi işğal kardey bədiqə zərəlo-ziyon vindeşone.bə DAİŞ-i bın kırtə mıddətədə İrağədə çandə həzo nəfər kıştey iyən yarəjə be,çandə milyon xonəxo ıştə kə-bəku dərbədər be,çın məmləkəti şəhron infrastrukturon məhf bıey,milləti jimoni sistemi çı miyoniku şıey,bənə Səncar şəhrədə faciyəvi şikilədə insonon ğətl-am bıey və bə co bədbəxtiyon işorə kardey bəbe.əmmo beşək çı DAİŞ-i İrağədə bıə suğuti bəpeştə həm çın terroristə qrupi iyo kardə koon nəticə çandə mıddət həm bəmande.çın nəticəon vey muhimmə qılə kardey bəbe bə DAİŞ-i vardə mədəniyyəti,çın terroristə dastə cinoyəton vində insonon psixoloji vəzyəti,hırdəon məktəbonədə dərs handey əvəzi avarə və didərqin bıey,ıştə valideynış çı dasto doə və pı-moş nıbə əğılon vucud,bın se sori mıddətədə hiç qılə bəromə vırəş nıbə insonon,ıştə hırdənon qıy de ın vandalə insonon dasti bırniye mışohidə kardə yolon iyən co problemon işorə kardey bəbe.
