“İslomi Devləti”xilofəti səkıştə
“İslomi Devləti”xilofəti səkıştə
DAİŞ fəğət bə insoniyyəti zidd qıləy dastə ni,bəlkəm bə mədəniyyəti ələyh qıləy qrupe.zira çı DAİŞ-i zot,çı hoziyəti təşkil bıə.DAİŞ cəhd kardedə qıləy tojə fərhənq icodkəy,əve bəçəy iyən beşə qırd sivilzasiyaon məf kardedə,məlumə simvolon xərob kardedə iyən qıləy tojə mahiyyət icod kardedə.İrağədə DAİŞ çın metodiku okoş doe iyən ıştə işğalədə bıə məntəğəonədə mahiyyətinə simvolon məf kardey xoto,bın kişvərədə çın siyosətiku istifodəş karde.İraği məzhəbi,tarıxi iyən elmi mahiyyət bın dəvardə se sori de ın terroristə dastə vırto-volo be.de ın terroristə qrupi vositə işğal zəminonədə məzhəbi,tarıxi və elmiyə əsəron məf bıey astanədə bin. DAİŞ de əhli-sınnəti mehvəriyyəti,qıləy İslomi Xilofəti icod kardey dumo bin.əmmo həmməysə vey əhli-sınnəti məzhəbi,tarıxi iyən eliyə əsəron de ın vəhşiyə dastə dasti xərob kardey be.demi həm əvon nışonışon doe ki,hiçfaxti çəvon “xilofəti” umr dıroz nibəbe iyən əvon qıləy devləti formədə dınyo iştimaiyyəti tərəfiku bə rəsmiyət zıney əbınin.
Imruj DAİŞ İrağədə təğribən bəştə umri oxo rəsə.əmmo irağədə bə cəmiyyəti ziyodə mənfiyə fərhənqi təsiron noəşe.çın terroristə bə bəşəri ələyh bıə hoziyəti,de ın terroristə qrupi işğal bıə əraziyonədə oroməti, mədəniyyət, xıyzon,təlim və səhiyyə mərkəzon çı miyoniku şin.çəvon hoziyəton bə milləti qırd ruf iyən coni bevəcə təsirış noə. çumçıko əvon çı DAİŞ terroristə qrupi cinoyətonışon çı neziku iyən deştə çəşi mışohidəşon kardə.
DAİŞ terroristə dastə dəvardə se sori İraği işğal kardə əraziyonədə məxsusən Neynəva 155 qılə məzhəbi məkonon təxrib kardəşone ki,çımon 74 qılə çı şiyə iyən 46 əhli-sınnəti,26 çı izədiyon və 9 qılə həm çı məsihiyon məzhəbiyə məkononin.de DAİŞ terroristə dastə dasti xərob bıə məkonon vey muhimmə qılə kardey bəbe bə pəyğombər həzrəte Yunis(ə),həzrəte Şeys(ə) ziyorətqo işorə kardey bəbe.əvon həmçinin Neynəva ostani mərkəz Mosulədə çı həzrəte Daniyal(ə)-i peyğombəri aramqoşon həm tıpıniye və vırto-voloşon karde.qırd ım ziyorətqoon çı İraği tarıxi memarəti simvolonku bə hisob omeydəbin.ım anti insoni dastə hətto ıştə Mosulədə oxonə ləzəonədə həm ıştə cinoyətonku dast nıkəşeşone və əvon çın şəhri tarıxiyə məçit bıə Nuri məçıtışon xərob karde iyən çəy minorəşon volo karde.Nuri məçit ki,təğribən 800 sor umrış hestebe və çı Mosuli şəhri təzahuronku qıləyni be.
DAİŞ terroristə dastə Neynəva ostanədə Nəmrud şəhrədə həm 70 qıləsə vey ğədimiyə əsəronışon çı miyoniku bardeşone.çın tarıxi cinoyəti şiddət əxtbe vey ki,hətta Yunesko onemoni rəsmi şəxson əvışon bə tarıxi əsəron ələyh qıləy cinoyətışon zıne.ım terroristə ğıvvon çın şəhri tarıxi əsəron çı miyoniku bardey koysə əlovə,əvon çın şəhri antik əşyaonışon dızdiye,bə ğaçağşiyonışon həvate iyən veyə bəroməşon bə dast varde.çəvon kardə ım cinoyət və ğarəton de Almaniyə faşistə hərbi dastəon kardə conoyəton mığoyisə kardedən.ın vandalə fərdon həmonə antik əşyaonışon bə Avropə,məxsusən bə Tırkiyə ğaçağçiyonışon həvatə.
