Ğasımi: Amerkə 1 tərəfə sanksiyaon atom təvafuğiku bə kənoy
İroni xarici koon vəzorətxonə sıxanəvoti votışe: Amerkə nımoyəndon və senat məclisi ğanon bə ironi zid sanqsiyaon dəvom pəydo kardeyu Amerkə doə bə vədəonku bə kənoy.
Bə xarici koon vəzorətxonə mətbuatiyə mərkəzi elanon əsosi ironi xarici koon vəzorətxonə sıxanəvot Bəhram Ğasımi cumə ruji bə ironi zid Amerkə 1 tərəfə sanqsiyaon dəvom pəydo karde vədə reaksiyaş nışon do və əlavəş karde bə ironi zid Amerkə nımoyəndon iyən senat məclisi 1 tərəfə sanqsiyaon atom məsələ həl kardeyu Amerkə doə bə vədəonku bə kənoy.Amerkə coqlə məmləkəton daxili iyən beynəlxalğə koonədə dəxalət nıkardeyu vədəş doə be.
Bəhram Ğasımi əlavəş karde Amerkə devlət çı məmləkəti beynəlxalğə vədəon icra karde məsule və Amerkə daxilədə bə siyasiyə şərayet çı məmləkəti doə bə vədəon icra nıkardeyu qıləy dəlil bə hisob omedə ni.
ironi xarici koon vəzorətxonə sıxanəvot həmçinin votışe: İron bə beynəlxalğə təvafuğon bovəş heste əmmo həmmə şərayetonru ironi milləti həxiku zumandə mudafiyə təşkil kardeyu lozim bə ğıvvə iyən şərayetış heste.
