Zərif:sionist rejim islam dınyoro əsosə xətoy.

İroni xarici koon vəzir sionist rejimış islam dınyoro əsosə xətoş zınə və votışe:islamiyə həmkarəti təşkilati foğəladdə iclos ki turkiyədə Ğuds və fələstinı muvzo barədəy islamiyə məmləkəton tərəfo qıləy mısbətə hərəkətış zınə ki çokə vaxtədə əncum bedə.

Muhəmməd Cəvad Zərif Turkiyə İstanbul şəhrədə Ğuds və fələstinı muvzo həxədə islamiyə həmkarəti təşkilati xariciyə koon vəziron fuğəlladdə iclosədə iştirak kardeyu bə Turkiyə səfərış kardə və bə ım məmləkət daxil bə vaxti jurnaliston cəmədə votışe: sionist rejim ıştə işğalqərə siyasəton dəvomədə işğal kardə sərzəminon şəxsiyyəti əvəz karde niyyətdəy və hərəkət kardə ım məntəğon yəhodi bıkə və ıştə sıxanon dəvomədə əlavəş karde sionist rejim jıqo siyasətonış boçomi xoto nəzədəş qətə çonki islamiyə məmləkəton bə coqlə muvzoon məşğulin və ğeyre həğiği iyən ğeyre zəruriyə hədəfon domo eqıniyən.