Ruhani bənə İron İslam Respublika prezident ğəsəmış ha.

İron İslam Respublika prezident Həsən Ruhani 2 minnə devrəyo ğəsəmış harde ki islam və islamiyə cumhuriyəti nizomi iyən ironi əsosə ğanoni hifz əkə bıbo.

Həsən Ruhani 2017 minnə sori mayə manqi 19 minnə ruji ironi prezidenti vıjnımoni 12 minnə devrədə de 23 milyonisə veyə sədo bə dast vardeədə vıjnımonədə səbarz be.

Həsən Ruhani zinə ironi islamiyə şura məclisədə ğəsəm harde mərasimədə kərimə ğıroni vədə  iyən məhkəmə təşkilati rəis ayətullah Sadığ Amoli Laricani həmçinin islamiyə şura məclisi nımayəndon və bə ironi əsosə ğanonon nəzorət əkə şura uzvon və daxili iyən xariciyə mehmonon huzurədə ğəsəmış harde.

Ruhani ğəsəmış harde ki ironi rəsmiyə məzhəb islamiyə cumhuriyəti nizom və əsosə ğanonon hufz bıkə və ıştə həmmə estedadon və səlahiyyətiku bə uhdə qətə bıə məsuliyyəton əncum doeyu oko bıdə və ıştə vaxti bə millət xıdmət karde  məmləkəti inkişaf din və əxlaği təbliğ karde həxiku mudafiyə karde və ədoləti inkişaf doeyu sərf bıkə və har qıləy şəxsiyə faydon və ləzzətonku bə kəno bımando və insonon ozodəti iyən ehtırom və həx ki əsosə ğanon millətiyu nəzədəş qətə mudafiyə bəkay.

İron İslam Respublika president ğəsəm harde bəpeştə çəy nıvıştəş məhkəmə təşkilati rəis  və bə əsosə ğanonon nəzorət əkə şura uzvon huzurədə imzaş karde və ğəsəmi nıvıştəş bə ironi əsosə ğanonon nəzorət əkə şura katib ayətullah Əhməd Cənnəti təhvil doə be.

İron İslam Respublika president Həsən Ruhani ğəsəm harde mərasimədə keşvəri və ləşqəri rəsmi şəxson və dınyo mıxtəlif məmləkətonku 100 qıləsən ve xarici iyən beynəlxalğə ali rutbəinə heyəton İroni islamiyə şura məclisədə huzurışon hest bı.