Laricani:muğavimətiku mudafiyə əkə məmləkəton miyonədə vəhdət zəruriy.

İroni islamiyə şura məclisi rəisi votışe:ısətnə şərayetəndə deşmenon vədə mandeyu mıslmonon miyonədə vəhdət zəruriy.

İroni islamiyə şura məclisi rəis Əli Laricani zinə tehronədə fələstinı islamiyə muğavemət hərəkati siyasiyə dəftərxonə uzv İzzət Rəşəğı vindımonədə votışe:bəpe dəvardə təcrubəonku dərs qəteədə iyən muğavemətiku mudafiyə əkə məmləkətonədə vəhdət təşkil doe deşmenon vədə bımandəmon.

Laricani votışe:İrağ və Suriyə ısətnə vəziyyətiku rəxeyu çokə ğədəmonışon peqətə və ıştə sıxanon dəvomədə əlavəş karde bəpe de səhihə roon həğiğiyə duston zıne iyən vıjneədə şərayeti bəştə faydon əsosi əvəz karde.

ironi islamiyə şura məclisi rəis Həmas siyasiyə dəftərxonə rəisi unvanədə İsmail Həniyə vıjniyeş təbrik vote və muğavemətı qruponru nakonə rujonsə veyə muvəfəğiyyətış arzo karde.