Ğərbədə islomofobiyə
Ğərbədə islomofobiyə
Avqusti pencminə ruji sıbi vaxti Amerkə Minnesota ştati Boliminqton şəhrədə çandə nəfər bə məçit şıəbin ki,bə ikkərə qıləy bombə tıpey həmmə insononış bə vəhşət dənoe.xoşbəxtonə bə hiç kəsi qıləy zərəl rəsənıbe.ın məçit de “islomi dairətul-maarif”-i (islomi ensklopediyə) mərkəzi məşhure.çın islomi mərkəzi rəyis Muhəmməd Umər votedə:ın mərkəz navko həm de telefon təmasi ya de emayli vositə təhdid bıəbe.əy voteşe ki,”darul-faruğ” nomo bıə ın mərkəz navko de “xıyzonon iyən əlfaruği cıvonon mərkəzi” nomi fəaliyyətış hestebe.bombə tıpə vaxti qırd hamsuyəon hıtəbin və çı bombə ım dəhşətinə sədo həmməkəsış bə təəccıb vardeşe.çın məçiti ğeyri-mısılmonə hamsuyəonku qıləyni Riyo Kurtis Di Yanq bombə tıpey saati bədiqə idastə vılış Darul-Faruği məçiti soyədə noşe və jıqo qıləy yaddaştış nıvışteşe:az deştə duston Rujə manqədə bə ın məçit oməbimon iyən iyo çı mısılmınon kəno bimon.əy voteşe:bə məçiti həmlə kardey bənə bə kilsə iyən senaqoqi və co məzhəbiyə vırəon həmlə kardey forməy.çən,əmə bəbe çı mısılmınon kəno bımandəmon.əmmo Amerkədə həmməkəs jəqo fik kardedənin və çı mısılmon iyən ğeyri-mısılmınon miyono qıləy oşkoə tafut heste.ehanə Amerkədə qıləy kilsədə bombə noey bıbu,bə ım ko terroristə həmlə votedən.Donald Tramp vanq jeydə ki,ım bə məsihiyyət iyən xristiyanon ələyh qıləy canqe iyən ım hodisə nəinki,bə Amerkə bəlkəm bə qırd dınyo yolə hodisə təbdil bedə.əmmo Amerkədə ə haftə ni ki,bə mısılmınon cəm bıə məçit ya dini məkonon həmlə nıbuşəəmo bın zəmon hiçkiku sədo beşedəni.
İ haftəsə kam çımi bənav,Minnesota viloyətədə qıləy co anti mısılmonə hərəkət bə əməl oməbe. Miniyapolisi kəni bə qıləy mısılmonə ğəbıstoni həmlə kardey be və əyo həmlə kardə kəson de sprey vositə bəsə divoonsə arşiyə səlibi şikil iyən bə mısılmınon ələyh yavə sıxanonışon nıvıştəbe.əmmo ım çı Trampi prezdendəti zəmonədə bə mısılmınon ələyh bıə islomofobik hərəkətonku fəğət iqlə baxşe. Miladi 2017-ə sori iminə se manqədə bə ço qılə məçiti çı ğəsdo otəş jıəşone.çın təxrib bıə məçşiton təsviron mıxtəlifə əyolətonədə movcude.ısət çı Florida ştatədə bıbu yainki,Texas və Vaşinqtonədə.ımon dəvardə da soronədə de irğçiyə insonon dasti sutunə bıə kilsəon bə odəmi yod vardedə.
Amerkə Şəhrvandon Ozodəti Assosasiya çı Amerkə 50 qılə ştatonku xəritə mıntəşir kardə ki, bəvonədə bə mısılmınon ələyh bıə həmləon əyo məlume.ım xəritə vey təəccıbinə xəritəy.bə ım nəxşə əsos,təğribən həmmə qılə əyolətədə bə mısılmınon məçiton zidd əməliyotan əncom bıə.harçənd çın həyğəton vey ciddiyə siqnalış heste,əmmo Trampi devləti bə hukumət omey bədiqə jıqo hodisəon çəş kardənin be. Amerkədə bıə islomofobon bə məçit iyən co dini məkanon həmlə zəmonədə dumo dıqlə umdə hədəfin. qıləyni çı mısılmınon miyono tars iyən vəhşəti eğandey və çəvon bə məçiton şıey vəy qətey iyən co qıləyni mısılmınon bənə əvon bə xristiyanon məzhəbiyə məkanon həmlə kardey vadar kardey iyən çəvon bə Amerkə zid bıey nışon doeye.bın zəmon əvon bəştə əsliyə hədəfon yəni bə mısılmınon terrorist bıey iyən islomi qıləy radikalə din bıey hədəfi bərəseyn.”Bo Amerkə hərəkət” qıləy islomofobik dastə təsisəkə Brejit Qabriyel voteydə:bə Ğıroni etığod bıə şəxson bo Amerkə İbıə Ştaton bəfodorinə şəhrvand bıey əzınin.
