Cıvon,sulh iyən dustəti ofəyəvon

Cıvon,sulh iyən dustəti ofəyəvon

2017-ə miladi sori dınyo cıvonon şuari nom “cıvon,sulhi ofəyəvon”-e.1991-ə sori çı cıvonə nəsli nımoyəndə unvanədə i dastə cıvon,İbıə Milləton Təşklioti”Cıvonon  Qlobal  Assambleyadə” uişitirokışon karde  iyən çı “Beynəlxalğ Cıvonon ruji elon kardeyışon tələb karde.ım ruj 1998-ə sori de”Cıvonon Məsul şəxson Vəziron Konfransi” vositə təsdığ iyən imzo be oxoyədə de İbıə Milləton Təşkiloton vositə ğəbul be. İbıə Milləton Onemon avqustə manqi donzəminə ruji “Dınyo Cıvonon Ruj”-ış elon karde ta bırosni ki, çəmə ımrujnə dınyoədə cıvonon çı əhəmiyyətışon heste.çı camiyə ım aktiv iyən hejo hərəkətədə bıə uzv, çı har qıləy məmləkəti inkişof iyən ozavziye amil bə hisob omeydə və ım devləton bəbe çəvon tərəğği roy həmo iyən ojkəyn.bın cəhətədə İbıə Milləton Təşkiloti sabiğ rəyis Ban Ki Mun iyən İbıə Milləton Təşkiloti elmi iyən mədəniyə onemon(Yunesko) yol dınyo hukuməton yolon dəvət kardeşone ta ıştə ğərolonədə çı cıvonon ray iyən nəzə ğəbulkəyn.

Odəmi dığğəti cəlb kardə çi ıme ki,bızınəmon çın tarıxıku co,har qıləy məmləkət qıləy məxsusə ruji de ın ruji mınosibətiu təyin kardedə.məsələn Mərakeş iyənTaylanədə ıştə podşooon ruji,Venesuelədə iyən Çinədə cıvononku təşkilış pəydu kardə canq ya milli ğıyomi ruji çı cıvonon rujışon elon kardə.İron İslom Respublikədə həmçinin Kərbəloyədə şəhid bıə İmom Huseyn(ə)-i(şiəyon seminə imom) yolə fərzənd Əli Əkbər(ə)-i vilodəti ruji,cıvonon ruji unvanədə ğeyd kardedən.

Cıvonon çı cəmiyyəti fərdon muhimmə baxşonkuye ki,çı har qıləy milləti dust iyən deşmıni palu qıləy məxsusə əhəmiyyət iyən vırəş heste.zira ım qrup insonon çı qıləy kişvəri fərhənqi,siyosi iyən ixtisodi sahə əvəz kardə dıjdə amilonin.bəbe de qılə səhihə idroki çı cıvonon cəmiyyətədə bıə məğami bızınon iyən çəvon elmi iyən mənəvi ozavziye cəhətədə bıə ehtiyocon təmin bıbu ta de ın roy vositə çı camiyə səloməti iyən inkişofi roy hozzı bıbu.Əli(ə) hamyedə:”havaxti bəştı və beşə qıləy koyədə bə məşvərət ehtiyoci pəydu karde, sıftədə de cıvon məşvərətkə,zira əvon vey tijə huşin iyən rəyrə təxmin jeydən.peşo əvoni bə piyəmerd iyən yolon fiki vadə ta çəy oxo çok-çoki bızınon və bıvıjnon,zira çəvon təcrıbə ziyode.”.

Inson hejo çı mıxtəlifə zərəlon iyən ofoton mə`rəzədə ğərolış qətə.əmmo cıvonon çı co fərdonsə vey çın ofoton kənon iyən bəçəvon cıvonəti devranədə bıə həssosəti xoto çı cokəsonsə vey de şiddəti əy ğəbul kardedən.Əli(ə) bə cıvonon xitob kardə holədə muhim iyən zərifə təbirış heste ki,vey əhəmiyyət kəsb kardedə.ə həzrət cıvonəti zəmon iyən movğıyyəti se mərhələdə vəsf kardedə:”şımə çı hodisə iyən  giriftorətiyon navədəyon,çı mıxtəlifə noxəşətiyon mə`rəzədon iyən zərəlon və bəloon nışoni mə`rəzədə ğərolon qətə”.

Imruj əmə qıləy şərayitədə ğərolımon qətə ki,çəmə ımrujnə dınyoədə çı sulhi qıləy mubhəmə vəzyətış hesteşe.əmə məələsəf ha ruj şoydimon ki,çokonə insoniyə kəromət bə suğuti tərəf şedə.əmə bəbe çı canq iyən hoziyəti tərvic doə kəson mığobilədə sulh,mığovimət iyən dustəti məfhumi zumandkəmon.şək ni çı bəşəri camiyə hərəbaxtəti  çı sulh iyən əmniyyəti girovədəy və cıvonon bın sahədə dıjdə səhmışon heste.bəçəy xoto 2017-ə Miladi sori dınyo cıvonon ruji şuar de” Cıvonon sulh ofəyəvon”-i nomi məşhure.2015-ə sori İbıə Milləton Əmniiyət Şurədə bekardə bıə 2250-ə ğətnomə zəmoniku ,cıvonon bo dınyoədə çı canqon vəyə qətey iyən sulhi bərpo kardeyro muhimmə rol ifo kardedən.bəçəyro 2017-ə miladi sori bə dınyoədə iştimayi ədoləti iyən sulhi bərpo kardeyro cıvonon iştiroki ixtisos doey bıə.