Şəmxani:muğavimət hərəkati səbarzətion İŞİD terroristiyə qrupi məhv be mıjdıvoni dodə.

İron İslam Respublika milli əmniyyəti aliyə şura katib livani məmləkətdə bə Hizbullah təşkilati rəis seyd Həsən Nəsrullah vəhdət təşkil əkə roli işarəş karde və muğavimət hərəkati tojə səbarzətionış İŞİD terroristiyə qrupi nabod be mıjdıvoniş zınə.

Əli Şəmxani zinə de Ələhd xəbəriyə mərkəzi təşkil doə votımonədə 33 rujə canqədə livani səbarzəti 11 minnə sorqardışədə bə livani devlət millət iyən Hizbullah hərəkati təbrikış vote və ıştə sıxanon dəvomədə əlavəş karde 2006 nə sorədə islamiyə muğavimət de  şəhodət tələb əkə rəzməndəon imon və nıtarsəti peştpurəti sionist rejimi silahlinə ğıvvon məğlob nıbe əfsanəş arəku barde və sobotış karde islamiyə ommət har zəman iradə bıkə bəzne de imon və cihadi silah dınyo zomandə silahlinə ğıvvon zəlil karde.

33 rujə canq sionist rejimi silahlinə ğıvvon və livani Hizbullah ğıvvon miyonədə 2006 nə sori iyolə manqi təşkil be və həmonə sori avqosti 14 minnə ruji de livani Hizbullah səbarzəti bə oxo rəsə  ki sionist rejim qonə ziyanon iyən tələfatədə canqiku bə domo okıriyə.