Amerkə hərbi ərsədə bə Rusiyə ələyh tojə ğədəmon.
Amerkə hərbi ərsədə bə Rusiyə ələyh tojə ğədəmon.
2014-ə miladi sori Ukraynə şərğədə bıə behroni bəpeşt,Amerkə bə Rusiyə ələyh oşkoə hərəkətonku qıləyni ,şərği avropədə ıştə hərbi ğudrəti ziyod kardey be.de qırd ın holi Amerkə prezdent Donald Tramp oxonə rujonədə Amerkə ləşkəri Ukraynə iyən Siyoə dıyoədə vırəbəvırə kardey barədə bıə əmr,ım məsələş tiki həm ğəliz kardə.
Bın cəhətədə Amerkə Siyuə dıyoədə Rusiyə mığobilədə ıştə hərbi ğudrəti zumand kardeyro Ukraynədə ıştə koyış bino kardə.Siyuə dıyo kəno Ukraynə Odessa şəhrədə Oçakov dıyo paleqon çın mərkəzi vırəy ki,iyo dıyoədə hərbi təlimon dəvordıney ko bə vırə bərosne.Ukraynədə dıyo əməliyaton mərkəz çı Vaşinqtoni bə ın məmləkəti koməq kardey bərnomə çərçivədə soxtey bedə.ım plan de bə ğərbi meyl bıə Kiyevi dıvləti himoyə vositə icro bedə.Kiyevi çı amerkəku dəvətış kardə ki,çı Rusiyə hədəfon vəy qəteyro ıştə hərbi huzuri zumandko.ijən çın ehtimoliku bəhs bıə ki,Amerkə dıyo ğıvvon Oçakov bazaşon bəştə ixtiyor peqətə və Siyo dıyo ıştə hədəfon cəhətədə oko bıdo.
Bə Ğərbi meylış bıə Ukraynə devlət çandə mıddəte ki,de rusiyə təhdidon mıborizə bardey xoto,bın kişvərədə Amerkə iyən ğərbi huzuri zumand kardey siyosəti icro kardedə.bın cəhətədə Ukraynə parlament 2017-ə miladi sori qıləy ğanunış bekarde ki,icozə doydə xarici hərbi ğıvvon bın kişvərə bazaşon bıbu.ım ğanun bə xarici hərbi ğıvvon bın məmləkətədə movcudiyyəti iyən de Şimoli Atlantik Mığovilə Təşkiloti(NATO) hərbi ğıvvon mıştərəkə hərbi təlimon dəvordıney icozə həm doydə. Çı Ukraynə parlamenti bə xarici hərbi ğıvvon rəsmi surətədə bın kişvərədə bıə huzuri ayid bıə ın hərəkət,bə Ukraynə ğərb təmayulinə prezedent Petro Poroşenko tələbi əsos bıə. Poroşenko çın kişvəri parlamentiku tələbış kardə ki,bə 2017-əsori de xarici ğıvvon mıştərəkə hərbi təlimon dəvordıney ayid bıə ım ğanuni təsdığkon.ım ğanuni məzmun bə de Amerkə iyən NATO hərbi təşkiloti co uzv bıə kişvəron hərbi ğıvvon hərbi təlimon şomil bedə.bın çərçivədə təğribən de mıxtəlifə silohon təchiz bıə se həzo hərbi ləşkər bə Ukraynə varid bıə.ğərb təmayulinə Ukraynə ım hərəkət həyğətədə çı Kiyevi bə Rusiyə əmniyyəti sıə xətton etino nıkardeye.ısət Kiyevi devlət de Odessa şəhrədə bo Amerkə dıyo hərbi ğıvvon qıləy baza soxtey,de Rusiyə Siyuə dıyoədə sıə xətton muxalifət kardey bə hisob omeydə.joqo ki,Rusiyə bın dıyoədə de harcurnə xarici hərbi ğıvvon huzuri rozi ni və ımi bəştə devləti əmniyyəti ələyh qıləy təhdid hisob kardedə.
