Mərkəzi Asiyə iyən Ğəfğaz,dəvardə haftədə
Mərkəzi Asiyə iyən Ğəfğaz,dəvardə haftədə
Tacikıstoni insonə həxon mərkəzi məxsusə nımoyəndə,bın kişvərədə çı jurnaliston həxon himoyəkə onemoni təsisiku xəbəş doe.bə tacikistoni insonə həxon koon mıstəğilə mərkəzi rəyis Şairə Dovlətovə votey əsos,de”ojə cəmiyyəti” mıəssisə mali koməqon vositə bə mediyə nımoyəndəon həx-huğuon rəseyro qıləy mərkəz təsis be.Dovlətova çın mərkəzi ıştə fəaliyyəti bino kardey əsliyə məğsədış,bə informasiyə vositəon koon rəseyış elon karde.
Əy elonış karde ki,holı-hozırədə çın plani çərçivədə,bo jurnaliston ım imkon hozzı bıə ki,əvoni qətədə iyən bəçəvon ələyh ittihom bekardeyədə,boəvon bepul iyən məccani surətədə mıdofiyə vəkil qətey bəbe.çı jurnaliston həxon himoyə kardə plani rəyis ıştə sıxanon dəvomədə voteşe:ehanə qıləy jurnalist həbs bıbu,çəy nezə odəmon de ”bə xəbə vositəon nımoyəndəon huğuği komək”-i mərkəzi ovard kardey, lozım bıə koməqon ğəbul kardey bəzneyn.tacikistoniku qıləy co xəbə ıme ki,çın məmləkəti de Rusiyə iyən Çini maliyyə devrə çın cari miladi sori sıftənə7 manqədə bəkam bıə iyən çın kişvəri de ğırğızıstoni bıə ticori rabitəon ziyod bıə.
Tacikıstoni ım cari miladi sori sıftənə 7 manqədə təğribən bə 2 milyardisə həm vey rəse ki,ım 9.2 fayiz ya 205 milyon dollar bəsə 2016-ə sorisə bəkam bıə.tacikıstoniku bə xarici məmləkəton məhsuli ixracat kardey cari sori yanvarə manqiku de tobə iyulə manqi 527 milyon dollar bıə ki,ım həm bə dəvardə sori nisbətədə 3.9 fayiz ya 20 milyon dollar ziyode.çı xariciku bə tacikıstoni məhsulon idxal kardey bın dəvardə mıddətədə təğribən i milyard 500 milyon dollar bıə ki,ım həm 13.1 fayiz ya 224 milyon dollar bə dəvardə 2016-ə miladi sori nisbətədə kame.
Çı Ğazaxıstoni prezdenti məxsusə nımoyəndə iyən çın kişvəri xarici koon vəzir,Ağılbeyk Kəmaləddinov ıştə bə Misri bıə səfədə de Ərəbi Liğə rəyis Əhməd Əbulğeyti vindemon iyən votemonış karde.ğazaxə tərəf bın vindemonədə çı ərəbon ibemonədə iyən çı ərəbi məmləkətonədə bə ın liqə roliş işorə və təkidış karde.ğazaxıstoni prezdenti məxsusə nımoyəndə votşeşe:cari sori sentyabrə manqədə Astanə şəhrədə islomi Kişvəron Konfransi bə elm iyən texnoloqiyə və islomi dınyo nyu məsələon həll kardey ayid bıə iminə iclosədə çın kişvəri prezdenti iştirok muhimme.
ƏbulĞeyt həm bın vindemonədə regionla məsələon barədə çı Ğağzxıstoni movğıyyətiku məxsusən bə Suriyə behroni de aşişəti oroxney ayid ğazaxıstonədə dəvordıniyə bıə icloson xoto bıə movğeyiku ğədrdonətiş karde və çı ğazaxıstoni prezdenti məntəğədə bu xun rubey vəy qəteyro bıə təşəbbısış bə tarıfi loyığ zıneşe.
Ğazaxıstoni siyosi hərəkoti cərəyonədə dəvardə haftə ın kişvər İsveçrə prezidentış ğəbul karde.İsveçrə Konfederasiya prezdent Doris Lotard ıştə bə ğazaxıstoni bıə səfədə de ğazaxıstoni prezdenti Nursultan Nəzərbəyevi vindemon karde və bə dıqlə məmləkəti miyono ticori əloğəon zumand kardey təkidış karde.
Rusiyə iyən azərboyconi yolə hərbi fərmondoron çı azərboycani marziyə şəhron qıləyniyədə de iyande vindemon karde və bə dıqlə məmləkəti miyono həmkorətiyon ziyod kardey,marzi əmniyyəti bəpe barde iyən de təhdidon mıborizə bardey barədə mızokirəonışon karde.dıqlə devləti marzi ləşkəron aliyə məğami soybon yəni Elçin Ğuliyev iyən Vladimir Kulişev həmçinin de qıləy bəyoniyyə vositə bə dı qılə kişvəri marzi miyono fiki mubadilə iyən bə çın kişvəron marzonku ovaştə məntəğəon məxsusən bə Kaspi dıyo akvatoriyədə bıə vəzyəti iyən bə de dıqlə məmləkəti sərhəddonədə bıə təhdidon mıvborizə bardey təkidışon karde
Avrasiyə İxtisodi İttifoği devləton miyono Şurə iclos de Ğazaxıston,Ğırğızıston,Belarus,Rusiyə iminə vəziron iyən de çın ibemoni ixtisodi komissiyə reyasət heyəti sədr de çandə qılə çand tərəfinə sənədi imzo kardey,ıştə koş bə oxo rosne.Avrasiyə İbemoni iminə vəzironku iborət çın şurə seminə iclos Astanədə de çandə qılə sənədon imzo kardey bə bın ibemoni uzvon miyono çand tərəfinə həmkorəti təkidışon karde.
Uzbəkistoni Ali Məhkəməde qıləy hıkmi vositə çın kişvəri Milli Əmniyyət Komitə sabiğ muavin Şohrət Ğulamov bəçəy maliyyə fəsodi,siloh iyən narkotik maddəon ğaçağ kardey xoto,boəy əbədiyə həbs bırniyəşone iyən əv bəbe bə devləti 1 milyard nim dollar nəğdə cərimə pərdaxtko bıdo.Ğulamov uzbəkistonədə çı milli əmniyyət xıdməti bə pensiyə beşə əfsər iyən uzbəkistonədə çı İnterpoli ofisi sabiğ rəyisi yəni de Yuri Savinkevi koməqi vositə,boştəno ğərbi bankonədə hisobışon oj kardə və ıştə pulonışon bə həmonə bankon ovoştınəşone.çı Ğulamovi cinoyi dosye ibaxşədə omə ki,əv de qıləy uzbəkə dıjdə tacir iyən məşhurə heroyin ğaçağ kardə şəxs yəni de Ğəfur Rəhimovi rabitəş bıə və deçəy şirkəton vositə narkotik maddəon bə Avropə məmlkəton ixracat kardedəbən.çı Savinkovi nom həmçinin çı uzbəkistoni sabiğ prezdenti yolə kinə Ğulnarə Kərimova cəncolinə maliyyə fəsodinə koonədə həm bə quş rəseydəbe.
