Beniğobə Amerkə

Beniğobə Amerkə

Sıftədə dəvardə haftədə bə Amerkədə bıə hodisəon qıləy nəzə kardedəmon.vey muhimmə hodisəonku kardey bəbe bə Amerkə prezdent Donald Trampi Sipiyə Kədə yolə stratejist Stiv Bennoni çı koyku bekardey məsələ işorkəy.Amerkə tojə devləti dıjdə rəsmi şəxson koyku beşey seriyal dəvom kardedə.çı Stiv Bennoni istefo nışon doydə ki,Sipiyə Kədə bıə ixtilofi bəsə həmmə zəmononsə vey şkoə şikilədə nışon doydə.oxonə manqonədə Trampi devləti çandə qılə yolə məğami soybon ya ıştə koyku istefo doəşone və ya ıştə koyku ixrac bıən.Amerkə Milli Əmniyyəti mışovir Harbert Makmasteri əncom doə iminə koonku qıləyni ım təşkiloti bə kontroli ji vardey bəpeşt,Bannoni bın şurədə uzv bıey koyku bəkəno noey be.eyni holədə dəvardə haftə de Con Kelli bə Trampi administrasiya rəyis təyin beıy,Trampi devləti dılədə radikalə rasiston iyən nasionaliston bə kəno noey ko bino be.həmməkəs bə ın fik rəsin ki,Bannon bəbe çı Trampi devlətiku bə kəno noey bıbu.Tramp de ım təklifi rozi bıəbe.Amerkə Harrisburq universteti qlobal ticorət  iyən xarici rabitəon ostad Məhdi Nurbəxşi votey əsos,dəvardə haftə Donald Trampi devlət dıqlə tafutinə rəftor bə nımoyiş noşone.çı Bannoni siyosi metodonku qıləyni bə nasionalistə ixtisodi, qlobalizmi ələyh beşəkəson iyən Amerkə çı xarici hərbi mıdoxiləonku dast kəşey təkyə kardey be.Trampi devlətədə çı Bannoni siyosi metod jıləvoni be əv çın siyosəti rəhbər be.əv çı sanksiyaon,bə idxalaati maliyyati,de Çin,Avropə,Meksika iyən Kanada ticoriyə canqi tərəfdor be.həyğətədə Stiv Bannon şək ni dəvardə haftədə Sipiyə Kədə həmməysə cəncolinə çehrə bə hisob omeydəbe.Sipiyə Kə ideolojikə cinoh rəhbər Bannon,çı nasoinalistə Tarmpi vıjnemonədə bıə səbarzəti zəmonədə veyə rolış hestebe.bə Amerkə məsələon ekspert Əbuzər Qohəri votey əsos,Bannoni Sipiyə Kədə bə kəno noey ,çı Con Kelli ıştə ğudrəti nışon doey iyən radikalə siyosətmədaraon sipiyə kəyku beğandey mənoədəy.oxonə rujonədə həmçinin Tramp bə Sipiyə Kə daxiliədə bıə məlumaton bə bi dərc bıey barədə həm şəkkış kardəbe.co tərəfiku çı Trampi zımo Cerard Kuşner həm de Bannoni qıləy kanə macəra iyən ixtilofış hestebe.bannoni Sipiyə Kəyku beşey,çın vırə ideolojikə cinohi zəyif bıey mənoədəy.həyğətədə Con Kelli kardeyış zıne Bannoni bə kəno noey koyədə Trampi roziko və bə Sipiyə Kə bə sərı-səhmon bıdo.qıləy ko ki,bə Amerkə dılqə zumandə partiyaon yolon həm xoş omə.