İnğilabi yolə rəhbər:diplamatiyaədə inğilabi və diniyə ruhiyə hifz karde zəruriy.

İslami inğilabi yolə rəhbər zinə İron İslam Respublika president iyən devlət heyəti vindımonədə diplamatiyaədə inğilabi və diniyə cəhəton iyən ruhiyəon hifz kardeş muhim zınə.

İslami inğilabi yolə rəhbər həzrət ayətullah əl-uzma Xamenei ım vindımonədə işarəş karde diplamatiya sahədə bəpr  zuman bə rujnə donoəti iyən elmon əsosi de surəti iyən huşin əməl karde və ıştə sıxanon dəvomədə əlavəş karde diplamatiya məsəlonədə  bəpe bəştə inğilabi fəxr bıkəmon və bə milliyə rəftoron yəni inğilabi sayədə təşkil bə rəftoron mincumlə istikbari vədə mande  de zılm mubarizə barde de zılminə nizomon mubarizə barde  bəpe izzət(yoliyəti) hissımon bıbo.

həzrət ayətullah Əl-uzma Xamenei votışe: bə inğilabi siyasəton iyən rəftoron bovə iyən peştpurəti bə şəxsiyyət iyən cokəson tərəfo bə ehtırom karde bois bəbe şeyne holədə ım ko diplamatiya namə hərəkəton iyən diplamatiya nozəkə hınəonədə heç qılə ziddiyətiş ni.

diplamatiya çətri həmmə məmləkətonədə okarde və əncəx de çanqılə məmləkət əlağə bərğəror nıkarde mincumlə  məsəlonku be ki islami inğilabi yolə rəhbər xariciyə siyasəton barədə bəyonış kardə.

islami inğilabi yolə rəhbəri həmçinin ixtisadış ironi məmləkətdə əsosə məsələ iyən həğiğətış zınə və milləti məişətiyə problemon iyən cıvonon bekoəti həl kardeyu bə məsul şəxson fəaliyyət işarəş karde və votışe:bəpe ixtisadi natiku xilos karde və ım muhimmə hədəf bə imkanon şərayeton və ironədə koəkə ğıvvə diğğət doe əsosi əncum bənine.

islami inğilabi yolə rəhbər bə president və 12 minnə devlət heyəti uzvon milləti problemon həl karde cihadinə ruhiyə iyən veyə fəaliyyəton təşkil karde de millət zumandə əlağə bərğəror karde milləti miyonədə ruhiyə hifz iyən zuman karde və dəbdəbinə jimoniku bə kəno mandeku tosiyəş karde.