Ərəfə ruj qınoon baxşe ruj.

Imruj zilhəccə 9 nə ruj Ərəfə ruj ibadəti ruj və qıləy ruje ki qınoon baxşə bedən və tubə ğəbul bedə.ruji ki mıtəalə Xıdo məxsusə holətədə ıştə bandon bəştə tərəf dəvət kardə.

Ərəfə islami yolə idonkuy. və ə kəs ki bı rujədə ərəfatdə bıbo yolə muvəfəğiyyətış bə dast vardə.Ərəfə ruj veyə əməlon və dıvoonış heste və bı rujədə həmməysə çokə əməl dıvoy.Ərəfə rujədə Xıdo kə zaironku çandə milyon nəfər sıpiyə olət takardeədə və ləbbeyk vote vote bə Ərəfatı səhra tərəf  hərəkət kardən.

hocion desbə məğrib ərəfatdə bəben və məğribi bəpeştə bə Məşərulhəramı tərəf hərəkət bəkan.

həşi pemeku desbə zilhəccə 10 nə ruji yəni ğıbunə idi sıbi həşi Məşərulhəramədə hocion voğof iyən mandeədə həc mərasim dəvom pəydo kardə.

zairon peso bə Mina sərzəmin şedən və Rəmye Cəmərə Əğəbə bəpeştə ğıbon kardən və çəy bəpeştə Həlğ ya Təğsir əməli əncom dodən.

təməto həcci vacibə əməlonku qıleni  zilhəccə 11 və 12 minnə şəvonədə Mina sərzəminədə mande və  həşi əşeku desbə niməşəv 3 baxşədə rəmye cəməratı əncom doe zilhəccə 11 və 12 minnə rujonədəy.

vəhy sərzəmini zairon coqlə əməlonku  ki bəpe ıştə həcci kamil kardeyu əncum bıdən bə Məkkə oqarde və təvaf əncum doe təvafı nımoji vote Səfa və Mərvə miyonədə səy Nisa təvaf və Nisa təvafi nımoji voteye.