Suriyə məmləkətdə ğərbı tələbon həğiğətiku bə kənoy.
İroni məclisi milli əmniyyəti kamisiya sıxanəvoti votışe:suriyədə prezidenti vıjnımon qıləy holədə etıborin və ozod bəbe ki Bəşar Əsədı prezidentəti devrə orəxe bəpeştə və İ bə milləton təşkilati bə arədəşeku kəno əcnum bıbo.
Bə ironi islamiyə şura məclisi aqentəti zinə xəbon əsosi ironi məclisi milli əmniyyəti kamisiya sıxanəvot Huseyn Nəğəvi Huseyni Suriyə koonədə İ bə milləton təşkilati məxsusə nımayəndə Stefan Dimistora qəpon barədə ki suriyədə İŞİD terroristiyə qrupi kamilə nabodi bəpeştə etıborinə vıjnımoni bərpo karde cəhətdə sıxanış kardə be votışe:Suriyə millət ım məmləkəti tale təin kardeyu yeqanə ğanoniyə qrup hestin və Bəşar Əsəd həm bəpe desbə ıştə prezidentəti devrə oxo Suriyə devləti idarə bıkə.
Nəğəviye Huseyni həmçinin Dimistora qəpon vədə ki votəşe Suriyə məmləkətdə İŞİD desbə 2017 minnə sori oktiyabrə manqi oxo məğlub bəbe reaksiyaş nışon do və votışe: ımruj ğərb bə ım nəticə rəsə ki çəvon roya Suriyə və məntəğədə bə nəticə rəsə ni.
