İroni silahlinə ğıvvon aliyə sərkomandan:ironi zumandə fərzəndon bə fəxr bois bedən.
İroni silahlinə ğıvvon aliyə sərkomandan zinə ironi silahlinə ğıvvon Xatəmulənbiya(s) həvoiyə mərkəzi fərmondəon və məsulşəxson vindımonədə votışe:ironi zumandə fərzəndon çı daxil və çı dınyo elmi və texnoloqiya mərkəzonədə bə fəxr bois bedən.
Bə yolə rəhbəri dəftərxonə məlumatərosnə mərkəzi elanon əsosi ironi silahlinə ğıvvon aliyə sərkomandan Həzrət Ayətullah Əl-uzma Xamenei səvodinə ğıvvon tədbirəkə şəxsiyyəton iyən nıtars və şəxsiyyətoni ki saxtion vədə oqınedə nin bə maneon ğələbə iyən bəvonku dəvardeyu əsos və binovrəş zınə və votışe:inkişaf mıxtəlif baxşonədə mincumlə silahlinə ğıvvon və həmçinin elm və texnoloqiyaədə inkişaf ironədə cıvonə ğıvvon zumandəti və ciddiyə niyyətonku hikayət kardə.
Həzrət Ayətullah Əl-uzma Xamenei ironi problemon əloci dəmonış ım zumandətion və istidadon oko does zınə ki həmmişə qıle holədəy.və silahlinə ğıvvon və sepahe pasdaran həvo mudafiyə ğərorqo iyən ım ğərorqo de mudafiyə vəzorətxonə və ali məktəbon iyən elmiyə mərkəzon həmkarətion ehtiyacon və nırəsəyon soxteyu təşəkkurış karde və ıştə sıxanon dəvomədə əlavəş karde ko və fəaliyyət nakonəsə de surətinə ahənqi dəvom bıdən və de tojə planon ironi ıştən təmin karde roədə bə nav bışən.
ironi silahlinə ğıvvon aliyə sərkomandar ironi silahlinə ğıvvon Xatəmulənbiya(s) nomo bıə həvo mudafiyə ğərorqoş məmləkəti heysiyyət və muvcodiyyətiku mudafiyə kardeyu 1 minnə xətış zınə və bə insoniyə kadron nımonə rol mıxtəlif baxşonədə mincumlə silahlinə ğıvvədə bə inkişafon işarəş karde və votışe:bəpe mutəmadiyə holətədə ko və fəaliyyət insoniyə ğıvvon beintıvoə istidadon perosnəmon və çəyku məmləkəti ehtiyacon və nırəsəyon həl kardeyu oko bıdəmon.
Həzrət Ayətullah Əl-uzma Xamenei de təhdidon mubarizə bardeyu 1 minnə xətədə xıdmət kardeş qıləy ğeymətinə fursətış ironi silahlinə ğıvvon həvo mudafiyə ğərorqo ğeyrətmand dindar və şərafətinə kadronro hisobış varde və ıştə sıxanon dəvomədə əlavəş karde həvo mudafiyə ğərorqoədə ve çokə koon əncom bən ki ım ğıvvədə ciddiyə niyyət və zumandətionku hikayət kardə.