De Ğədir Xumi yolə idi mınosibəti təbrik.

Imruj Zil-Həccə manqi 18, Sentiyabri 9 ijən Mısılmonon vey yolə idonku qıləyni Ğədir Xumi bərəkətinə ide.

Ğədir Xum çı Məkkə iyən Mədinə miyono qıləy məntəğə nome ki İslam pəyğumbər(s) Həccətul-Vidaədə dıyo şiəyon i minnə İmom, Həzrət Əli(ə)-i ıştə bəpeştə çı İslamiyə umməti Vəli elanış kardə.

Həzrət Muhəmməd(s) ıştə oxonə həcciku oqarde zəmonədə Həccədə həmmə iştirok kardə mısılmononış Ğədir Xum məntəğədə cəm kardə ijən əyo Xıdo tərəfiku Həzrət Əli(ə) bənə Vəsi, Bıvə iyən ıştə bəpeştə çı İslamiyə umməti canışin elanış kardə.

İslam dini yolə pəyğumbər(s) Ğədir Xumi muhimmə xutbədə hamyeşone: har kəs ki az çəy movlam çimi bəpeşt Əli çəy movlaye.

Ğədir Xumi bərəkətinə idi ki İslamiyə rəvoyətonədə debə "İdul-Əkbər " məşhure,bəbe çı həmmə ilahiyə dinon vey əzəmətinə id hisob karde .boçi ki,çı həmmə ilahi pəyğombəron zəhməton həminə bərəkətinə rujədə bə nəticə rəsə.

İron Tolışə cəmaəton həm de İroni həmmə milləti bə ico məzhəbiyə vırəonədə huzur pəydo karde iyən muxtəlifə şoy-vonəkə mərasimon kənoədə bə seydon osə ğandən.

İroni Rəşt şəhri Tolışi Rədioku Ğədir Xumi bərəkətinə idi bə həmmə mısılmonon məxsusən şiəyon ijən dıyo ozodtələbon təbrik ərz kardedəmon.