Bə Miyanma mıslmonon zid cinayəton vəy qəteyu Ruhani və Ərdoğani işarə.

İron İslam Respublika president Həsən Ruhani və Turkiyə president Rəcəb Təyyib Ərdoğan şanbə şəvi Ğazaxıstanı paytəxt Astanə şəhrədə islamiyə məmləkəton yolon oclosi kənoədə vindımon və mıxtəlif məsəlon mincumlə Miyanma barədə votımonışon dəvoni.

Prezident Ruhani ım vindımonədə bə Miyanma mıslmonon ğəmqinə vəziyyəti işarəş karde və votışe: miyanmaədə yolə faciə təşkil bedə və bə rohinqiya mıslmonon zid xışmqinə hərəkəton iyən cinayəton vəy qəte iyən təciliyə holətədə bə ziyanvindəkəson və pənohbardəkəson vəziyyəti diğğət doeyu bəpe islamiyə məmləkəton yolon cəmiyə hədəf bıbo.

İron İslam Respublika prezidenti işarəş karde ironi insondustə koməkon bı nezonədə Miyanma ziyan vində mıslmononru vığandə bəbe və ıştə sıxanon dəvomədə votışe:islamiyə məmləkəton həmfikrəti və həmkarəti məxsusən İron və Turkiyə həmkarətion ım baxşədə muhim və təsirənə bəbe.

president Ruhani ommidvar mande Miyanma həxədə Astanə şəhrədə islamiyə məmləkəton yolon iclos qıləy ruşin və zumandə mesaj bə kəson bıdə ki miyanmaədə bə mıslmonon zid xışmqinə əməlon əncom dodən.

İron İslam Respublika president həmçinin omə rujonədə Turkiyə prezidenti bə Tehron səfər kardeku ıştə rizoyətiku xəbəş do və votışe: məntəğə məsəlonədə 2 qılə məmləkəti iradə coğrafiyaiyə sərhəddon ıştə vırədə mande və hamsoyan iyən məntəğə məmləkəton ərazi təmamiyyəti hifz be heste və sərhəddon əvəz be yolə problemon bino be mənoədəy bə bə məntəğə milləton ziyane.