Ruhani: Amerkə de mığoviləon rioyət nıkarde ıştə beynəl xalğiyə etibari məhv bəkay.
İroni prezident Həsən Ruhani Niyoyorkədə i bıə milləton təşkilati umumiyə icmaədə ətomiyə təvafuği cərəyonədə bə Amerkə ğeyri ğanuniyə hərəkəton işorəş karde ijən votışe: Amerkə deştə jıqonə siyasəton iyən beynəl xalğiyə mığoviləon rioyət nıkarde fəğət dınyoədə ıştəni be abro-həyo bəkay.
İroni prezident əlovəş kardə: i bıə milləton təşkilati umumiyə icmaədə bə İroni milləti zidd çı Amerkə prezident Donald Trampi cahilanə, bevəc, deşmənçiyə səhvə məlumatonku pur bıə nıtğ nı ın ki ım təşkilati səthədə ni bəlkəm bə həmmə milləton ımrujnə tələb və iradəon əleyh be.
İroni prezident İroni ətomiyə təvafuği çı sulhi metod iyən ro zınəş be və təkidış kardə: İron çı ətomiyə təvafuği ləğvəkə i minə kişvər nibəbe əmmo əqə har kəs ım təvafuği ləğv bıko İroni reaksiya iyən cəvob məhdud ni.
Həsən Ruhani islam tələbəti və ədolət tələbəti kənoədə insonə həxon iyən şəhrvandəti həxonış çı İroni milləti vey muhimmə tələbonku hisobış kardə iyən votışe: İroni nizomi vindemon iyən metod sulh tələbəti və çı milləton həx-huğuiku tərəfdarəti karde heste.
İroni prezident çı İroni milləti zıvonış ehtırom və izzəti zıvon zınəş be və təkid kardə: İronıjon həmişə çı muzakirə əhlonku bıən əmmo çı bərobər və mıtəğabilə ehtıromi çərçivədə, İronıj hiç kəsi təhdid ni bəkay ijən hiç kəsiku təhdid bey tov varde əzı ni.
İroni prezident təsdiğış kardə: ım ki Fələstin milləti məzlumon qıləy şər və rasizmə rejimi sayədə vey kamə insoniyə həxonku məhrum bıbun və co tərəf Fələstin sərzəmini işğoləkəyon kamilə əmniyyətdə bıbun ğəbul nibəbe.
Ruhani əlovəş kardə: Yəmən, Suriyə, İrağ, Bəhreyn, Əfğanestan, Myanma və co məntəğəonədə mısılmonon fəğrəti, canq və daveonədə jimon kardıdən və hol ım ki bəzion xiyol kardən bəbe ıştə kişvəronədə əmniyyət, rifoh və dırozmıddətə inkişofədə bıbun.
İroni prezident həmçınin bə Miyonəə Şərğədə bıə İroni fəaliyəton de terrorizm mubarizə barədə i minə cəhbədə iştirok karde işorəş kardə və votışe: ım ki məntəğədə İron de terrorizm mubarizə barde sahədə mığovimət cəhbə kişvəron peştədə mandedə qıləy insoni, əxloği və stratejikə metode.
