İslamiyə İron Tasua Huseyni(ə) sorqardışədə Əbaəbdillah(ə) matəmədəy.
İslamiyə ironi həmmə vıron Tasuaye Huseyni rujədə siyoə matəmədən və əzadarəti dəvonedən.
Imruj şanbə hicri ğəməri 1439 nə sori Məhərrəmə manqi 9 nə ruj Tasuaye Huseyni(ə) ruje.
Məhərrəmə manqi 9 nə ruj tasua ruje ki Həzrət Əbəlfəzl(ə) ovış penışumə və furatış dıştə təşyanə lıvon tərkış karde oqardə və furatı ətəşə dast heç vaxti bə Əbbası vəfodorə dumənə nırəsə.
tasuaye huseyniədə İmom Huseyn(ə) və həzrəti əhle beyti aşığonku milyonon nəfər islamiyə ironi mıxtəlif vıranədə əzadariyə məclison bərpo kardeədə Kərbəlo səhra ələmdari yodi əziz qətedən.
islamiyə ironi dindarə millət huseyniyəon məçiton Məşhəd şəhrədə dınyo şiəyon 8 nə imom Həzrət İmom Rıza(ə) pokə hərəm iyən Ğom şəhrədə Həzrət Məsumə(s) pokə hərəmədə əzadarəti karde holədən.
Kərbəlo hadisəku çandə əsr dəvardeədə və İmom Huseyn(ə) və Həzrəti vəfadarə yaron şəhid be bəpeştə ne ım ki çı hadisə əhəmmiyyət iyən erjiku kam bə ni bəlkə ha çəxtə dəvardedə Aşura mesaj əzəmətin və əzadariyə mərasimon de veyə hərarət iyən dərk bərpo bedə.
de ımrujnə ruji matəmə mınosibəti bə həmmə mıslmonon məxsusən tolışə əzadaron səbəsəloməti dodəmon.
