Pars Today

İmom Huseyn(ə) Şame Ğəribani mərasim zinə şəv İroni həmmə huseyniyəon və məçitonədə bərpo be.

Çand milyon çı İroni mısılmonə millət İmom Husseyn(ə)-i Əhli Beyti Şame Ğəriban mərasimonədə zinə şəv məğrib nımoji bəpeştə İmom Huseyn(ə) iyən çəy bəfodorə yaron şəhodət həmçınin ə Həzrəti hırdənon və Əhli Beyt(ə) isarəti matəmədə əzodor bən və ım xuninə hadisə əsiron ğəmədə ıştəni şərik zınəşon bıən.

Əzodoron qıləy şərayetdə ki çəvon dastədə ruşinə şam be de Kərbəlo daşti ğiyami mesaj və peyğomi təbliğəkə Əğileye Bəni Haşim Həzrəte Zeynəb(s) ijən Neynəva səhra və əsiron kərvoni Lider həmdardişon kardə.

Həğiğətən ki Şam Ğəriban çı İmom Huseyn(ə) Əhli Beytiku əsiron, hırdənon və jenon qonə dardi əv həm Aşura xuninə vağiə bəpeştə bə yod vardə ki Aşura bəpeştə Kərbəlo sərzəminədə bepənoh və cayli mandə bıən.

Zinə şəv çı Huseyni Şame Ğəriban iyən ə Həzrəti Əhli Beyti ğurbəti binovrə be.

İroni Tolışə məntəğəon iyən muxtəlifə vırəon bə kəno qıləy yolə mərasim həm, Məşhədədə İmom Reza(ə) pokə hərəmədə bərpo be.

İroni Yolə Rəhbəri tono həm zinə şəv məxsusə bərnomə və mərasim bərpo be ijən çand hezo çı umum cəmaət və İroni rəsmi şəxson çı İmom Xumeyni(r) nomo bıə huseyniyədə cəm bıən ta ıştə eşğ və iradətışon bə şəhidon Ağa və sərvər İmom Huseyn(ə) nışo bedən.