İnğilabi yolə rəhbər:sionist rejim məntəğədə qıləy "Tojə israil" icod karde dumoədəy.

İslami inğilabi Yolə Rəhbər zinə şanqo Turkiyə prezidenti vindımonədə iraği kırdıstonı məntəğədə referendomi nəticədə bə Amerkə və sionist rejimi faydon işarəş karde və elanış karde bə Amerkə və xariciyə ğıvvon bovə ni və məntəğədə qıləy tojə israili icod karde domoədə hestin.

Həzrət Ayətullah Əl-uzma Xamenei iraği kırdıstonı məntəğədə referendomış bə məntəğə xəyanət və omə rujonədə bə məntəğə təhdid hisobış varde və dırozə vaxtonədə bo hamsoyanro bə ım hərəkəti nəticon işarəş karde və votışe: İron və Turkiyə bəpe ım hadisə vədə har qıləy mumkin bə  hərəkəton əncum bıdən və iraği devlət bəpe ciddiyə sorətədə ım məsələ vədə bə ğərol bo iyən əməl bıkə.

islami inğilabi yolə rəhbəri çı məsələ vədə İron və Turkiyə tərəfo həmkarətion həmfikrəti və vahidə sorətədə siyasi və ixtisadiyə  ğərolonış ve muhim zınə və votışe:Amerkə və avropaiyə devləton nəzə bə ım məsələ İron və Turkiyə diyədə kamilən fərğ dodə.

Amerkə meylış heste ki həmmişə bə İron və Turkiyə zid qıləy pesoxtə bə dəlilış extiyorədə bıbo boçimi əsosi heç qıləy şərayetdə nibəznemon bə Amerkə və avropavıjon bovə karde.

yolə rəhbəri Asiya şərğ və miyanmaku qətə desbə şimal Afrika bə islam dınyo ciddiyə problemon işarəş karde və votışe:ım problemon vədə əqər İron və Turkiyə qıləy məsələdə bə roziyəti bırəson ə roziyəti de ğətiyyəti bə nəticə bərəse və çəy faydə bə ha 2 qılə məmləkət və islam dınyo bərəse.

İslami inğilabi yolə rəhbər həmçinin Astanə iclosədə İron və Turkiyə həmkarətionku rozi mande və ım həmkarətion nəticədə Suriyə məsələdə şərayeti çok bə nav şeku işarəş karde və ıştə sıxanon dəvomədə əlavəş karde əlbətddə İŞİD və təkfirion məsələ jıqo bə oxo nibərəse və ım məsələ həl karde bılandə mıddətdə bə qıləy həğiğiyə bərnamə ehtiyociş heste.

Rəcəb Təyyib Ərdoğan həm həminə vindımonədə məntəğədə bə İron və Turkiyə zumandə vəhdəti icod be zərorəti işarəş karde və votışe: bə oşkoə sənədon əsosi Kırdıstonı məsələ barədə Amerkə və israil bə qıləy mikəmmələ təvafuğ rəsən və Barezani referendomi bərpo kardeədə qıləy xətoş kardə ki nibəbe əy baxşe.

Turkiyə prezidenti votışe:Amerkə Fransə və israil pidəşone nezə şərği məmləkəton qədə(paran paran) bıkən və çı şərayetiku bəştə faydon əsosi bəhrə bıbən. və ıştə qəpon domoədə əlavəş karde əvon Suriyə məmləkətiyu həm həminə planışon heste İron iyən Turkiyə vahidə  ğərol iyən vəhdət ım məsələ barədə ve muhimme.