Ğasımi:terarizmi tərvic Ərəbıstonı xariciyə siyasəti oşkoə xosiyətonədəy.

İroni xarici koon vəzorətxonə sıxanəvot ərəbıstoni xarici koon vəziri bə ironi zid səhv iyən tikroriyə bıhtonon vədə reaksiyaş nışon do və votışe:yəmənı məmləkətdə canqiyə cinayəti oşkoə sənəd iyən təkfiri və terroristiyə tındə hərəkəton dəvardə soronədə ərəbıstonı xariciyə siyasəton oşkoə xosiyətonədəy.

Ərəbıstonı xarici koon vəzir Adil Əlcubəyr cumə ruji de ərəbiyə skayn news kanali təşkil doə votımonədə ıştə be əsosə iddaon dəvomədə votışe:əqər İron pidəşe beynəlxalğə ictimaiyyətdə qıləy fəalə uzv bıbo bəpe coqlə məmləkəton daxili koonədə bə arə dənışo.

Bə İRNA xəbon əsosi ironi xarici vəzorətxonə sıxanəvoti zinə votışe:səudion ha vaxt bə  yəmənı məmləkət təcavuz karde sənədon xoto iyən terarizmiku mudafiyə kardeyu beynəlxalğə səthədə ictimaiyyətdə bə fikon təziği jiyədə ğəror qətedə bə ironi zid ıştə na səhih və təkroriyə bıhtonon dəvom dodə.

Ğasımi əlavəş karde Ərəbıston ıştə hərəkəton niyon kardeyu ictimaiyyətdə bə fikon bə xətoə roon tərəf barde iyən izofə və befoydə xərconku kəno coqlə ro zındə ni.