Kaspi deyo sulh və əmniyyət İron və Azərbaycan Respublika mıştərəkə hədəf.
İroni şimal Qilan ostani ostandar votışe: İron İslam Respublika və Azərbaycan Respublika ğədimiyə əlağə iyən ixtisadi çokə mınosibətışon heste.
Qilan ostani ostandar cənab Mustəfa Salari zinə Azərbaycan Respublika sulh və dustiyəti nomo bə Qilan ostan daxil bə deyo qrupi fərmondə Subhan Bağırovi vindımonədə Kaspi deyoədə Sulh və əmniyyətış Tehron və Boku mıştərəkə hədəfış zınə və əlavəş karde dəvardə 3 sori mıddətdə İron və Azərbaycan Respublika prezidenton miyonədə 5 qılə vindımon nışon dodə 2 qılə məmləkət həmkarətion iyən əlağon zumand kardeyu ciddiyə niyyətışon heste.
Qilan ostani ostandar əlavəş karde fəaliyyəton əncum doeyu mıştərəkə ko əncumədə qrup-2 qılə məmləkəti rəsmi şəxson səfər iyən bə təvafuğ rəse(das pəydo karde) 2 tərəfə əlağon inkişaf doeyu İron və Azərbaycan Respublika mıştərəkə hədəfon bə nəticə rəseku hikayət kardə.
qilano ostandar cənab Salari həmçinin Azərbaycan Respublika kəşti daxil beş bə qilani ostan 2 qılə məmləkəti əlağon zumand be nışonəş zınə və əlavəş karde İron və Azərbaycan Respublika əlağon inkişaf doeyu ve ciddi hestin və ım əlağon omə manqonədə həm zumand bəbe.
