Bə İroni əleyh Trampi bəyon bıə sıxanon barədə prezident Ruhani cəvob.

prezident Ruhani çı Amerkə prezidenti zinə şəvi sıxanonış qırd dejmon ijən bə İroni yolə milləti əleyh i dastə be əsosə ittiham hisobış kardə.

Həsən Ruhani zinə şəv çı Amerkə prezident Donald Trampi be əsosə sıxanon cəvobədə bə İroni daxıliyə mıvzoonədə Amerkə tuli tarixədə mıdoxiləon işorəş kardə və votışe: İroni millət jıqo de be əsosə nifrət icod əkə sıxənon hiç faxt diktatoron vədə təslim nibəbe boçi ki hiç faxt təslim bə ni.

Həsən Ruhani əlovəş kardə: Trampi sıxanon nışoş do ətomiyə təvafuğ jəqo ki əv xiyol kardə be zəif ni boçi ki Tramp ıştə intixabatiyə rəğabətonədə hejo ım təvafuği ləğv karde barədə sıxən kardə və hol ım ki ısət əv vey cayli mandəy.

İroni prezident təsdiğış kardə ki ısətnə vəziyətədə Amerkə prezidenti ım şanqonə sıxanon sabitış kardə ki Amerkə çandə tarixiyə həğiğətonku oğo ni və de beynəlxalğiyə ğanunon ləğv karde hətto ıştə Avropavıjə həmpeymononku həm diyəro bıə.

Ruhani bə İroni mudafiə ğudrəti işorə karde kənoədə votışe: Sepah təşkilat çı məntəğə milləton kənoədə hejo de terrorizm mubarizə barədə dəvom dodə.

İroni prezident votışe: İron İslam Respublika ijən de zumandəti məntəğədə terroriston vədə bə mande, əv həm həmonə terroriston ki Tramp etırofış kardə ki Amerkə və Obama əvoni bino və prosinəşe.

2 haftə mediyaonədə cəncoli bəpeştə, zinə şəv Amerkə prezident bo İroni ğudrəti məhdud karde xoto tojə strateqiyaon elanış kardə ijən bə İroni milləti tohin və be ehtıromətəti karde kənoədə qıləy be əsosə sıxanon çərçivədə i tərəf İroni bə ətomiyə təvafuği rioyət nıkarde mıttəhəmış kardə və co tərəf ətomiyə təvafuği çı Amerkə tarixədə vey bevəcə təvafuğ hisobış kardə.