Ayətullah İmomi Kaşani: İroni hərbi mudafiə ğudrəti barədə muzakirə nibəkamon.

Tehroni cumə nımoji xətib bə deşmenon səy və cəhdon İroni hərbi ğudrəti barədə muzakirə karde xoto işorəş kardə və votışe: İroni mudafiə ğudrət iyən əbzaron barədə hiç faxt muzakirə karde imkonış ni.

Aətullah Emami Kaşani zinə çı Tehroni cumə nımoji xutbəonədə votışe: İroni rəsmi şəxson bo İroni nizomi mudafiə ğudrəti ziyod kardero harcurnə əbzar və vəsiləon ki lozim bıbu hozzo bəkan.

Əv bə İraği i minə vəziri səfər və İroni Yolə Rəhbər vindemon karde işorəş kardə və əlovəş kardə: İrağıjon bəbe bə Amerkə xatircəm məbun boçi ki har kişvər ki bə Amerkə xatircəm mandə be məhv iyən çəy erjon həm arəku şə.

Tehroni cumə nımoji xətib de terrorizm mubarizə bardero çı İraği millət və hərbion səbarzətion təbrik votışe iyən təcziyə bey vədə mığovimətiku ğədərdontiş kardə və təsdiğış ka: mərcəiyət, rəsmi şəxson, hərbion ijən İraği dovtələbə ğıvvon qırd ım səbarzətiədə rolışon be.

Ayətullah İmomi Kaşani bə İroni sepah təşkilati səy və cəhd de terrorizm muarizə barde xoto həm işorəş kardə və İronədə ğeyrət və əmniyyəti ım inğilabi və co silohin ğıvvon səy və cəhdon sayədə hisobış kardə.

Tehroni cumə nımoji xətib bə İroni zidd çı Trampi bəyon bıə sıxənon barde həm votışe: jıqonə zəlil əkə sıxənon çı deşmeni əsəbin beyku əloməte boçi ki Amerkə çı İroni milləti şəhodəttələbəti və şucaət fikon məhv karde pidə.

Ayətullah Emami Kaşani bə Ərbəin Huseyni(ə) mərasim həm işorəş kardə və əlovəş kardə ki dınyo milləton hərəkət bə mubarizə iyən zulmi məhv karde tərəf şedə və ım yolə mərasim ki cəmaət de piyodə lınqi bə Kərbəlo tərəf hərəkət kardedə sabit kardə ki dınyo milləton çı şəhodət, fidokarti və de zulm mubarizə barde royədə bənə İmom Huseyn(ə) hərəkət kardedən.