Muxtəlifə baxşonədə de siyonist rejim mubarizə barde lozime.

İroni Yolə Rəhbər bə Livanədə bıə mığovimət alimon 2 minə beynəl xalğiyə iclos peyğomışon vığandə ijən ım peyğomədə təkidışon kardə ki: de siyonist təcavuzkarə rejim mubarizəon dəvom doe xoto ım mubarizəon muxtəlifə sahəon və baxşonədə hevuj karde məydoni bə həmmə məsuliyəti hiss əkəyon tovsiyə kardəm.

Həzrəte Ayətullah Xamenei bə Livanədə bıə mığovimət alimon beynəl xalğiyə i bemoni rəis Mahir Həmud xətobış kardə: Fələstini qonə əbədiyə məsoliyət bə islam dınyo həmmə kişvəron qi ədəy.

İroni Yolə Rəhbər təkidışon kardə: illahiyə vəədə, ım mubarizədə illahi ğətiyə koməkonin və şımə iclos ım umumi və yolə hərəkəti i baxşe.

Livanədə bıə mığovimət alimon beynəl xalğiyə iclos ımrujnə rujiku və de Fələstini mehvəriyət Livanədə bino bıə.

Şeyx Mahir Həmud həminə iclosi barədə elanış karde: ımsornə sori iclosi dəvoniye zəmon de Balfor nomo bıə ğətnomə sadir karde sorqardış həmzəmane və de Balfori vəədə detosə illahiyə vəədə şuari bə yod vardə ki Fələstini məsələ ijən məntəğədə vey yolə əsliyə mıvzoe.

Balfor nomo bıə bəyaniyədə çı İnqeltra xarıci vəzir Artor Ceymz Balfor qıləy bəyoniyədə ğeydış kardə ki İnqeltra pidəşe bo İsraili cəmaət qıləy sərzəmini besoxti.

Im bəyoniyə Fələstinədə siyonist işğal əkə rejimi binovrə bois bıə.