İroni ərtışədə Yolə Rəhbəri tərəfo tojə hıkmon və təyin kardə bıə fərmondəon.

İroni Yolə Rəhbər Həzrəte Ayətullah Xamenei 3 qılə hıkmədə həmmə ərtışi ğıvvon fərmondə canışini onvani Qeneral Mayor Muhəmməd Huseyn Dadrəs, ərtışi həmohənq əkə moavini onvan Qeneral Mayor Həbibullah Səyyari iyən İroni ərtışi dıyoiyə ğıvvon fərmondə onvani Qeneral Mayor Huseyn Xanzadişon mıəyyən kardən.

Çı İroni ərtışi fərmondə caneşini hıkmədə Qeneral Mayor Muhəmməd Huseyn Dadrəsiku tələb bıə ki İroni həmmə hərbiyə ğıvvon fərmondə tədbiron jentonədə hərbion informassiya və əməliyotiyə ğudrət ijən koəkəyon jimoni rohətəti ziyod karde lozime.

İroni ərtışi həmohənq əkə moavin Qeneral Mayor Həbibullah Səyyari hıkmədə həm omə ki: ərtışi mərkəziyə ğərorqo bəbe bə həmmə mehvəriyə tələbon cəvob bedə ijən ərtışədə vəhdət iyən həmohənqion miğdori ziyod karde lozime.

İroni Yolə Rəhbər Həzrəte Ayətullah Xamenei ijən bo ərtışi dıyoiyə ğıvvon fərmondə Qeneral Mayor Huseyn Xanzadi zumandə iradə və aliyə cəhdon çı həmkari sayədə tələbışon kardən və pidəşon bən de hərbion ğabeliyət və zərfiyəton bərobər mıvcudə vəziyəti sorət ziyod bıbu.