İroni kəşfiyat vəzir: Ərbəyine Huseyni(ə) mərasim de komilə əmniyyət bərpo be.

İroni kəşfiyat vəzir votışe: ımsornə sori Ərbəyine Huseyni(ə) mərasim de çokə əmniyyət bərpo be və detosə bə ısət hiç curnə əmniyyətiyə problemi icod bə ni.

İroni kəşfiyyat vəzir ıştə tojə mısohibədə bə İron və İraği miyono əmniyyəti cəhəto farğon işorəş kardə ijən votışe: çəy bəpeştə ki DAEŞ terroristiyə qrup İrağədə məğlub be ısət çəy uzvon İraği muxtəlifə şəhronədə çand poə bıən ijən terroristiyə əməliyaton bərpo karde fikədən ta ıştə mıvcudiyəti dəvom bedən.

İroni kəşfiyat vəzir təsdiğış kardə: jıqonə xususi şərayetədə əmniyyəti təmin karde vey məxsusə şərayeti tələb kardə ijən de xoşbəxtiyəti İraği kəşfiyat iyən əmniyyətiyə təşkilaton de İroni məxsusə təşkilaton çokə həmkarişon be.

İroni kəşfiyat vəzir votışe: İraği rəsmi şəxson muvəffəğ bıən Ərbəyine Huseyni(ə) əzəmətinə mərasimi de komilə əmniyyət dəvarde va ım vey erjinə mıvzoe ki bəbe bə çəy xoto İraği əmniyyəti və hərbiyə rəsmi şəxsonku ğədrdonti kəmon.

Har sor çand milyon zair İron və çandə kişvəronku Ərbəyine Huseyni(ə) mərasimədə iştirok karde xoto bə Kərbəlo səfər kardən.