Buməlarzə nəticədə ımruj ironi məmləkətdə umumi matəm ruji elan bə.

İroni ğərb hissədə buməlarzə nəticədə və çansa ironıji bə rəhmət şe xoto ironi devlət heyət zinəşanqo qıləy elanədə ımrujnərujışon umumiyə matəm ruj elanışon karde.

Bə İRNA xəbon əsosi ironi devlət heyəti elanədə jıqo nıvıştə bə ironi ğərb hissədə buməlarzə tel iyən ğəmqinə hadisə ki bə ım məntəğə  məxsusən Kermanşah ostani çandə həzo nəfəri  bə rəhmət şe ziyan vinde iyən avərəti bois bə ironi millətış norohət kardə.

həminə elani dəvomədə işarə bə ki ironi devlət heyət eyne holədə ki ım dəhşətinə hadisə bə İslami İnğilabi yolə rəhbəri iyən ironi millət məxsusən bə Kermanşah ostani şəhidpərvər və ğəhrəmanə millət və ım hadisədə mandəkəson səbəsəloməti dodə ım hadisə yarəjəonru səlomətəti arızo kardə və bə rəhmət şə kəson ehtırom kardeyu və çəvon ailəon matəmədə şərik be xoto noyabri 14 minnə ruj yəni ımrujnənı ruji islamiyə ironi həmmə vıronədə umumiyə matəm ruj elan bedə.

ironi devlət heyət buməlarzə qıniyə məntəğonədə hozzı bə imdodiyə ğıvvonku təşəkkurış karde və həmmə devlətiyə vəzorətxonəon və təşkilatonku piyəşe bə ziyanvindəkəson xıdmət bırosnon.