Vəhdət haftə dəme iyən əzizə peyğəmbər Həzrət Muhəmməd(s) viladəti sorqardışi təbrik.
Imruj cumə hicri ğəməri 1439-ə sori rəbiul əvvələ manqi 12 minnə ruje bə qıləy rəvoyəti əsosi islami əzizə peyğəmbər Həzrət Muhəmməd(s) viladəti sorəqardışe və vəhdət haftə əvvəlnə ruj.
Əhle sunnət rəbiul əvvələ manqi 12 minnə ruji və şiəyon ım manqi 17 minnə ruji islami əzizə peyğəmbər(s) viladəti sorəqardış zındən.
ironi islamiyə respublika təsis əkə mərhum həzrət imom Xomeyni ki ıştən islam dınyoədə vəhdəti nido rost kardəkəsonku be çı məsələku islamiyə qrupon vəhdət və nez beyu istifadəş karde və ım 2 qılə tarixi fasiləş vəhdət haftə nomış no.
ım haftə çokə fırsəte ta islam dınyo vəhdət və I dıl be zərurəti həxədə təhğiğ bıkəmon məxsusən bı zəmonədə ki fitnəqərə hərəkətonku pure nakonəsə ve diğğət mərkəzədə ğəror bıqəto.
hər çənd mıslmonon mıxtəlif məzhəbonku bəzi nəzəron və əhkamonədə ixtilafışon heste əmmo ve mıştərəkə çion mincumlə bovə bə vahidə Xıdo osmoniyə kitob peyğmbər və ilə ğiblə bovəşon heste.
eyne holədə mıslmonon bə muhimmə ibadəton əncom doe mincumlə nımoj rujə zəkot və jıqo ibadəton əncom doe vahidə nəzəşon heste.
İron İslam Respublika telerədyo təşkilat vəhdətı mubarəkə haftə dəme mınosibətiku ki islami əzizə peyğəmbər(s) viladəti rujədə ğəşənq bə bə həmmə mıslmonon məxsusən tolışə dindaron təbrik votedə.
