İroni xarıci vəzarətxonə sıxənəvot: İron de Fars Dıyo hamsuyə kişvəron muzakirə karde hozıe.
İroni xarıci vəzarətxonə sıxənəvot votışe: İron de Fars Dıyo hamsoyə kişvəron muzakirə karde xoto həmişə hozı be və karde bəzne muxtəlif 2 tərəfi və məntəğə mıvzoon barədə muzakirə bıkə.
Seyed Əbbas Musəvi ımruj xəbə iclosədə ətom muzakirəonədə Fars Dıyo hamsuyə kişvəron iştiroki iddeo barədə votışe: məntəğə votımonon iyən hərbi təcavuzi vəy qəte barədə muğaviləon barədə İroni xarıci vəziri təklifon karde bəzne Fars Dıyoədə votımonon bino vırə bıbu.
Əv Donald Trampi tojə anti İron iddeoyon barədə həm votışe: Amerkə prezident karde ni bəzne təziğ və sanqsiyaon kənoədə de İron muzakirə karde şuari bıdə və bə İron əmr və ro nışo bıdə.
Mosəvi Trampi sohbətonış pesixi və təbliği hərəkət zınəş be və əlovəş karde: Amerkə və ğərbi tənliğiyə fişaron de ətomiyə muzakirə be əsər be iyən İron pidəş ni ijən co muzakirəon əncom bıdə.
İroni xarıci vəzarətxonə sıxənəvot İron və Avropa miyono əloğəon barədə həm votışe: Avropa bəpe bəştə ehdemonon əməl bıko və hol ım ki çəvon zəifə funqistə bə təəsuffi loyiğə.
Əv təsdiğış karde: ısətnə dınyoədə qıləy kişvər de ğanuno təsdiğ karde anti iğtisad sanqsiyaon bino kardedə ta ticari əloğəon vəy beqəti; ım vey xəbisə koe.
Mosəvi bə Almaniya xarıci vəziri səfər bə Tehron həm işorəş karde əmmo Avropa maliyə məxsusə mexanizm İNSTEX-i detos bə ısət İroni nəzəri təmin nıkardeku xəbəş do.
İroni xarıci vəzarətxonə sıxənəvot Yaponiya i minə vəziri bə Tehron səfər karde barədə həm votışe: ım səfə r40 sori bəpeştə vey muhimmə səfə rhisob bıdə ki mediyaon diğğəti bəştə tərəf cəlbış karde.
Seyed Əbbas Mosəvi Rusiyəku S400 rəket mudafiə sistem hırye barədə bəyon bıə iddeo rədış karde və votışe: İroniku hiç tələb və ya xot mesaji həminə kompleksi hırye barədə bəyon bə ni.
