Hoci İbrahimoğlu: Məkroni anti islom hərəkəton məhkum kardənine.
Azərbaycan Respublika Cumə dini cəmiyəti lider hoci İlğar İbrahimoğlu Fransə prezident Emanuel Məkroni anti islam hərəkəton məhkumış karde.
Bə İrib raporti əsos, Azərbaycan Respublika məşhur ruhani, iyən ım kişvəri Cumə dini cəmiyəti lider hoci İlğar İbrahimoğlu votışe: Ğərbədə ozodə bəyon fəğət bo islamofobiya hərəkəton inkişofi qıləy bəhonəy.
Əv jığonə anti islam hərəkəton qıləy kanə məsələ bə hisobış varde və votışe: bə islam əzizə peyğombəri məğom iyən vırə ihonət karde həm i minnə kərə ni ki əncom bıə, bəlkəm ğərb vey kərə ıştə ıncurnə bevəcə hərəkəton mahiyyəti nışoş doə be.
Azərbaycan Respublika Cumə dini cəmiyəti lider təkidış karde: bə İslam əzizə Peyğombər(s)i ihonət karde sobot kardedə ki ğərb bəştə həyati oxonə rujon iyən suğuti rəseydə.
Hoci İlğar İbrahimoğlo ijən votışe: Fransə prezidenti sıxanon həm çəy bemənəviyətə şəxsiyəti əlomətdore və Emanoel Məkroni dəvardəyonku rişəş qətə rəzolətinə şəxsiyəti nışo doydə.
Fransə Şarli Ebdo nomo rujnomə tojədən İslam Peyğombər(s)-i ihonət amizə karikatoron muntəşirış karde.
Fransə prezident Emanoel Məkron həm demokrasiya iyən diplomatik prinsipon əks elanış karde ki Fransə həmçenan İslam Peyğombər(s) barədə ihonət amiz karikatoron muntəşir bəkarde.
Fransədə bıə jığonə anti islam hərəkəton məhkum kardeyro vey islami kişvəronədə eterozinə kompaniya və aksiyaon bərpo bıə və millət ıştə norohəti iyən ğeyzi nışo doydən.
Im eterazon bois bıə ki Məkron tojədən elan bıkə ki Şardi Hebdo nəşriyədə muntəşir bıə karikatonon çı Fransə dıvləti rəsmi nəzə iyən vindemon niş.
