Qeneral Ğaani: Şəhid İrlo bə Yəməni milləti xidmət əkə be.
İroni Sepahe Ğuds təşkiloti fərmondə votışe: Şəhid İrlo çı İroni səfir və bə Yəməni mucahid iyən məzlumə milləti xidmət əkə be.
İroni Sepahe Ğuds təşkiloti fərmondə Qeneral İsmoil Ğaani zinə de qıləy mesaji vığandey vositə Yəmənədə bıə İroni səfiri şəhodəti təbrik və təsliyət votışe və təsdiğış karde: dəvardə soronədə bıə ın yolə merdi xidməton çı İroni inğilobi dovranədə ğızılə səhifə be, xususi tojə soronədə ki bənə səfir və bə məzlumon komək kardeyro çı Yəməni milləti xidmətədə be ta çəvon dard-ğəmiku kam ko, əv həğiğətən çı muğavimət cəhbə zumandəti və de Yəməni məzlumə milləti əloğə oqətey meydonədə vey əbədi səhnəon və karnaməş nışo do.
Şəhid İrlo çı İroni 8 sornə muğəddəsə mudafiyə dovrani kimyavi veteranonku be ki Yəmənədə Koronaş qəte.
Əmmo bəzi kişvəron xəbisə rəfto bois bıə ki çəy damon vey bevəcə şəroyetədə bıbu.
In kişvəron siyosət İron səfiri bə kişvər oqordoniyeədə təxir iyən nəhayətədə İrlo şəhodəti bois be.
