Mossad bə Bəhreyni əmniyəti ğıvvon təlim doydə
Qıləy aqahə mənbə elanış karde ki Mossad cəsusə təşkilot çı Bəhreyni cəsuson təlim doydə.
Miladi 2020 minnə sorədə, Bəhreyn iyən sionist rejim, Amerkə jintonədə bənə İbrahimi təvafuğonku kali ıştən rabitəon normal kardışone.
Bə Mehr aqentiyəti raporti əsos, Val Street nomo bıə rujnomə ıştə raportədə ki Bəhreyni rəsmi şəxsonku qıləyni nəğl bıə, nıvıştəşe: holihazırədə, Musad sionist rejimi cəsusiyə təşkilat çı Bəhreyni cəsuson təlim dodə iyən əvoni hozzo kardedə.
Val street jurnal ijən əlovəş do: sionist rejim muvafiğətış kardə be ki bepilotə təyyatəon zid sistemon iyən dıronon bə Bəhreyni kişvər bıhəvoto.
Im raportədə təyin bıə ni ki kom dıron ya hərbi əbzaron, Bəhreyni ixtiyorədə ğəror bıqəto.
Im raportədə om ki dəvardə manqonədə Musad nomo bıə cəsusiyə təşkilat və Şin Bet nomo bıə sionist rejimi daxıli əmniyyət və kəşfiyot sistem ıştən kəşfiyot hərbion təlimiro de Mənamə həmkari kardəşone.
Çımiku bənav həm, Val Street raportış doə be, Misrədə de Amerkə vositə, hərbi iclos bərpo bıə be, ım iclos məntəğə qrupon icod bey cəhəto, və de Telavivi ali rəsmi şəxson və ərəbi kişvəronku kali əcumlə Ərəbiston iştiroki bərpo bıə be.
