Tehron və Ğahirə muzakirəon barədə, İraği iminnə vəziri təklifiku İroni himoyə
Huseyn Əmirəbdullahiyan xəbəş do ki Bəğdad2 nomo bıə iclosi cərəyonədə əmniyyəti və siyasi səthədə, İraği iminnə vəzir, İron və Misri votımoni təklifi bəyonış kardə.
Dəvardə Seşəmbə ruj, Əmirəbdullahiyan Bəğdad-2 nomo bıə iclosədə iştirok kardeyro bə İordaniya paytəxt, Əmman varid bıə iyən ım kişvəri rəsmi şəxson xoşoməon ğərorış qətə.
Bə İran Peres aqentiyəti raporti əsos, İroni xarıci vəzir, Huseyn Əmirəbdullahiyan qıləy mısohibədə votışe: İordaniyaədə Bəğdad-2 nomo bıə iclosi cərəyonədə de İraği iminnə vəzir Ağaye Sodani votımonıımon be ki əv vey planon bəyonış kardə ki İrağ karde bəzne məntəğə həmkoətion zumandətiro ıştə məntəğə roli ifo ko.
İroni Xarıci vəzir ijən təsdiğış karde: ım iclosədə İraği iminnə vəzir siyasi və əmniyyəti səthonədə, İron və Misri votımoon və icloson bərporo ıştə təklifon və meylon beyonış karde iyən votışe: ım icloson bə Tehron və Ğahirə rabitəon əlovə bey bois bəbe, həmçınin İroni xarıci vəzir elanış kardə ki İraği iminnə vəziri ım fikiku himoyə kardedəm.
Əmirəbdullahiyan ijən əlovəş karde ki Ağaye Sodani ğərore ki vəoməy haftəonədə həminə barədə hərəkətoni əncom bıdə.
İordaniyaədə və Bəğdad-2 nomo bıə iclosədə, Əmirəbdullahiyan de Ərəbistoni xarıci vəzir Feysəl Ben Fərhan həm vindemon iyən votımonış əncom doə be.
